Kim Wild­e og eigin­maðurinn skilja eftir 25 ára hjóna­band

Þetta kemur fram í sameiginlegri yfirlýsingu frá þeim Wilde og Fowler á samfélagsmiðlum. Þar segir að þau ætli sér vera í góðum samskiptum og að þau óski hvort öðru alls hins besta. Taka þau sérstaklega fram að ekki hafi verið um neinn „þriðja aðila“ að ræða.

Hin 62 ára Wilde og hinn 54 ára Fowler segja að þau hafi skilið að borði og sæng á síðasta ári en að nú hafi þau ákveðið að sækja formlega um skilnað.

Wilde og Fowler kynntust þegar þau léku saman í söngleiknum West End og gengu í hjónaband árið 1996. Þau eiga saman soninn Harry, 23 ára, og dótturina Rose, 21 árs.

Kim Wilde var ein vinsælasta söngkona níunda áratugarins og átti smelli á borð við Chequered love, Water on Glass og síðast en ekki síst Kids in America. Þá fór hún í tónleikaferðalag með tónlistarmönnum á borð við David Bowie og Michael Jackson.

Hal Fowler er meðal annars þekkur fyrir að hafa farið með hlutverk í myndunum Solo: A Star Wars Story frá árinu 2018 og Dracula frá árinu 2013.