Yay fer í útrás til Írlands

„Þetta er annar samningurinn á þessu ári sem við gerum um nýtt markaðssvæði svo við erum afar ánægð með árangurinn á árinu,“ er haft eftir Ara Steinarssyni, framkvæmdastjóri Yay.

Fyrri samningurinn var gerður í sumar þegar Yay samdi við kanadíska kortaþjónustu- og fjármálatæknifyrirtækið Everyday People Financial Inc. um innreið gjafakorta Yay á markað í Kanada.

„Okkar fókus núna er að koma þessum nýju markaðssvæðum upp og einnig erum við að undirbúa frekari fjölgun markaðssvæða. Það eru þó nokkrir markaðir komnir að samningaborðinu. Það er því margt spennandi og áhugavert í gangi hjá okkur. Kanada var fyrsti samningurinn og nú Írland sem er jafnframt fyrsta markaðssvæði Yay í Evrópu fyrir utan Ísland. Við erum að horfa núna meira á markaði í mið og austur Evrópu í framhaldinu,“ er haft eftir Ara.

Í tilkynningunni segir að Olympia Capital sé írskt fjárfestingarfyrirtæki með áratugareynslu af því að koma vörum á írskan markað.

„Nýsköpun og tækni Yay gerir okkur kleift að koma með nýja og spennandi vöru á markað á Írlandi. Það ríkir mikil samkeppni á gjafakortamarkaðnum á Írlandi sem gerir þetta enn meira spennandi. Þessi einstaka nálgun fyrir viðskiptavini mun gera okkur fært að hafa mikil og jákvæð áhrif á írska markaðinn. Við hlökkum til að starfa náið með Yay á Íslandi í þessu verkefni,“ er haft eftir Lorcan Burke, framkvæmdastjóra Yay Venture Ireland sem var stofnað í kringum verkefnið, að því er segir í tilkynningunni.