Þrettán hlutu varanlegt heilsutjón vegna flugeldaslysa á rúmum áratug Fanndís Birna Logadóttir skrifar 8. desember 2022 14:37 Raketur, skottertur og blys ollu flestum slysum á tímabilinu. vísir/vilhelm Tuttugu og einn einstaklingur þarf að meðaltali að leita á bráðamóttöku á hverju ári vegna flugeldaslysa og er þar af að meðaltali eitt barn á leikskólaaldri. Rannsakendur segja vert að íhuga að setja frekari skorður við innflutningi, sölu og notkun flugelda auk þess sem efla þurfi forvarnarstarf en slys vegna flugeldanotkunar séu umtalsvert vandamál hér á landi. Niðurstöður rannsóknar Björns Vilhelms Ólafssonar, nema í læknisfræði við Háskóla Íslands, og Hjalta Más Björnssonar, bráðalæknis á bráðamóttöku Landspítala og lektors við læknadeild Háskóla Íslands, voru birtar í nýjasta tölublaði Læknablaðsins en um er að ræða fyrstu heildstæðu rannsóknina á flugeldaslysum hér á landi. „Þrátt fyrir að flugeldar séu almennt taldir fólki til skemmtunar fylgja skuggahliðar notkun þeirra. Hefur slysatíðni verið allmikil, helst brunasár og einnig nokkuð um alvarlega augnáverka. Innflutningur á flugeldum hefur margfaldast á síðustu áratugum og vaxandi umræða er um skaðleg umhverfisáhrif þeirra,“ segir í inngangi rannsóknarinnar. Þrettán hlutu varanlegt heilsutjón Við rannsóknina var farið yfir komur á bráðamóttöku frá því í desember 2010 og fram til janúar 2022 en í heildina leituðu að minnsta kosti 248 manns til Landspítala vegna flugeldaslysa og að minnsta kosti 54 til viðbótar vegna hliðarslysa þar sem flugeldur átti þátt en olli ekki beint áverka, til að mynda fólk sem datt við að forðast flugeldasprengingar. Sundurliðun þeirra sem leituðu á bráðamóttöku eftir aldri og kyni. Í 73 prósent tilfella var um að ræða karlmenn og tæplega helmingur, alls 114, voru börn, þar af tólf á leikskólaaldri. Hinir slösuðu voru allt frá níu mánaða til 79 ára en fjöldi slysa meðal barna var hærri hér en í erlendum rannsóknum. Aðeins 37 prósent slasaðra barna voru undir eftirliti. Tæplega fjörutíu prósent slysa rakin til gallaðra flugelda. Flest slys ollu raketur, alls 23 prósent, skottertur ollu 17 prósent slysa og blys 13 prósent, en tegund var óskráð í 25 prósent tilfella. Sundurliðun á gerð flugelda sem ollu áverkum. Af þeim sem leituðu á bráðamóttöku hlutu 157 einstaklingar brunaáverka, þar af 104 á höndum, 67 einstaklingar hlutu áverka á augum og 97 hlutu opin sár. Enginn lést á tímabilinu en 22 lögðust inn vegna sára sinna á tímabilinu, nítján þurftu skurðaðgerð, og að minnsta kosti þrettán hlutu varanlegt heilsutjón. Í tveimur tilfellum þurfti að aflima útlim og í þrír hlutu varanlegan augnskaða sem leiddi til lögblindu. Tegund áverka. Efla þurfi forvarnarstarf Niðurstaða rannsakenda er að notkun flugelda fylgi umtalsverð slysatíðni og að sláandi sé hversu mörg börn slösuðust á tímabilinu, hvað þá eftirlitslaus börn. Þá sé vert að skoða ölvun slasaðra en skráning hafi ekki verið nógu góð til að geta sagt til um tíðni og draga ályktanir um samband. Áfengisneysla sé þó algeng á gamlárskvöld og slík neysla lengi viðbragðstíma og minnki dómgreind, sem séu óumdeildir áhættuþættir fyrir alvarlegar útkomur. Flest slys eiga sér stað um áramótin, þar af um fjórðungur á fyrstu klukkustund hvers árs. „Slys vegna flugeldanotkunar eru umtalsvert vandamál á Íslandi. Að meðaltali þarf 21 einstaklingur að leita á bráðamóttöku ár hvert, þar af helmingur á nýársdag og fjórðungur á fyrstu klukkustund hvers árs,“ segir í samantekt rannsóknarinnar. „Efla þarf forvarnarstarf gegn flugeldaslysum, einkum með áherslu á rétta meðhöndlun þeirra og notkun öryggisgleraugna. Sérstaklega þarf að huga að forvörnum barna og ættu börn á leikskólaaldri ekki að nota stjörnuljós né aðra flugelda,“ segir enn fremur. „Þó flugeldar séu fallegir fylgir þeim mikil slysatíðni og álag á bráðamóttökuna og því er vert að íhuga að setja frekari skorður við innflutningi, sölu og notkun þeirra.“ Nálgast má greinina um rannsóknina hér. Flugeldar Slysavarnir Landspítalinn Heilbrigðismál Börn og uppeldi Áramót Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Niðurstöður rannsóknar Björns Vilhelms Ólafssonar, nema í læknisfræði við Háskóla Íslands, og Hjalta Más Björnssonar, bráðalæknis á bráðamóttöku Landspítala og lektors við læknadeild Háskóla Íslands, voru birtar í nýjasta tölublaði Læknablaðsins en um er að ræða fyrstu heildstæðu rannsóknina á flugeldaslysum hér á landi. „Þrátt fyrir að flugeldar séu almennt taldir fólki til skemmtunar fylgja skuggahliðar notkun þeirra. Hefur slysatíðni verið allmikil, helst brunasár og einnig nokkuð um alvarlega augnáverka. Innflutningur á flugeldum hefur margfaldast á síðustu áratugum og vaxandi umræða er um skaðleg umhverfisáhrif þeirra,“ segir í inngangi rannsóknarinnar. Þrettán hlutu varanlegt heilsutjón Við rannsóknina var farið yfir komur á bráðamóttöku frá því í desember 2010 og fram til janúar 2022 en í heildina leituðu að minnsta kosti 248 manns til Landspítala vegna flugeldaslysa og að minnsta kosti 54 til viðbótar vegna hliðarslysa þar sem flugeldur átti þátt en olli ekki beint áverka, til að mynda fólk sem datt við að forðast flugeldasprengingar. Sundurliðun þeirra sem leituðu á bráðamóttöku eftir aldri og kyni. Í 73 prósent tilfella var um að ræða karlmenn og tæplega helmingur, alls 114, voru börn, þar af tólf á leikskólaaldri. Hinir slösuðu voru allt frá níu mánaða til 79 ára en fjöldi slysa meðal barna var hærri hér en í erlendum rannsóknum. Aðeins 37 prósent slasaðra barna voru undir eftirliti. Tæplega fjörutíu prósent slysa rakin til gallaðra flugelda. Flest slys ollu raketur, alls 23 prósent, skottertur ollu 17 prósent slysa og blys 13 prósent, en tegund var óskráð í 25 prósent tilfella. Sundurliðun á gerð flugelda sem ollu áverkum. Af þeim sem leituðu á bráðamóttöku hlutu 157 einstaklingar brunaáverka, þar af 104 á höndum, 67 einstaklingar hlutu áverka á augum og 97 hlutu opin sár. Enginn lést á tímabilinu en 22 lögðust inn vegna sára sinna á tímabilinu, nítján þurftu skurðaðgerð, og að minnsta kosti þrettán hlutu varanlegt heilsutjón. Í tveimur tilfellum þurfti að aflima útlim og í þrír hlutu varanlegan augnskaða sem leiddi til lögblindu. Tegund áverka. Efla þurfi forvarnarstarf Niðurstaða rannsakenda er að notkun flugelda fylgi umtalsverð slysatíðni og að sláandi sé hversu mörg börn slösuðust á tímabilinu, hvað þá eftirlitslaus börn. Þá sé vert að skoða ölvun slasaðra en skráning hafi ekki verið nógu góð til að geta sagt til um tíðni og draga ályktanir um samband. Áfengisneysla sé þó algeng á gamlárskvöld og slík neysla lengi viðbragðstíma og minnki dómgreind, sem séu óumdeildir áhættuþættir fyrir alvarlegar útkomur. Flest slys eiga sér stað um áramótin, þar af um fjórðungur á fyrstu klukkustund hvers árs. „Slys vegna flugeldanotkunar eru umtalsvert vandamál á Íslandi. Að meðaltali þarf 21 einstaklingur að leita á bráðamóttöku ár hvert, þar af helmingur á nýársdag og fjórðungur á fyrstu klukkustund hvers árs,“ segir í samantekt rannsóknarinnar. „Efla þarf forvarnarstarf gegn flugeldaslysum, einkum með áherslu á rétta meðhöndlun þeirra og notkun öryggisgleraugna. Sérstaklega þarf að huga að forvörnum barna og ættu börn á leikskólaaldri ekki að nota stjörnuljós né aðra flugelda,“ segir enn fremur. „Þó flugeldar séu fallegir fylgir þeim mikil slysatíðni og álag á bráðamóttökuna og því er vert að íhuga að setja frekari skorður við innflutningi, sölu og notkun þeirra.“ Nálgast má greinina um rannsóknina hér.
Flugeldar Slysavarnir Landspítalinn Heilbrigðismál Börn og uppeldi Áramót Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira