Stemning í opnun á nýrri og bættri verslun Kölska

Ný og endurbætt vefverslun fór svo í loftið á sama tíma og opnunarpartý var haldið. Í nýju versluninni eru Michelsen úrsmiðir með lítið útibú og er Gentlemens Tonic með gott úrval af herrasnyrtivörum. Strákarnir tóku við rýminu í vor og var farið í að rífa allt út og endurskipuleggja verslunina. 

„Hún er sérstaklega sniðin fyrir herramenn en sérsmíðaður bar er inni á staðnum. Þar geta menn sest niður í „chesterfield-loungið“ og sötrað á góðum drykkjum í boði Vínnes meðan þeir bíða eftir tímanum sínum, já eða meðan þeir hanna sín eigin jakkaföt. Vanalega tekur þrjár til fimm vikur að fá föt afhent og því fer hver að verða síðastur að bóka sinn tíma í mælingu fyrir jólin,“ segir Hjörleifur Davíðsson.

Hér fyrir neðan má sjá nokkrar vel valdar myndir frá viðburðinum.