Þetta kemur fram í dagbók lögreglu. Það var rólegt í nótt hjá lögreglunni á höfuðborgarsvæðinu, einungis 28 mál bókuð.
Klukkan rúmlega átta var tilkynnt um húsbrot í miðbænum en hver var þar að verki er óvitað. Einni mínútu síðar var tilkynnt um mann í annarlegu ástandi í verslun í miðbænum. Hann var handtekinn og gisti í fangageymslu vegna ástands.
Tilkynnt var um sofandi mann á stigagangi í Breiðholti klukkan tæplega tíu. Hann var vakinn og gekk hann sína leið eftir það.
