Lífið

Sonur Dóru Bjartar og Sæ­vars nefndur Brimir Jaki

Árni Sæberg skrifar
Ljósmyndari Vísis hitti Sævar og Dóru Björtu á meðan hún gekk með Brimi Jaka.
Ljósmyndari Vísis hitti Sævar og Dóru Björtu á meðan hún gekk með Brimi Jaka. Vísir/Vilhelm

Sonur Dóru Bjartar Guðjónsdóttur borgarfulltrúa og Sævar Ólafssonar íþróttafræðings fékk nafnið Brimir Jaki í gær. Að sögn Dóru Bjartar er fyrra nafnið innblásið af bókmenntum en hið síðara verkalýðsbaráttu.

Dóra Björt greindi frá nafngiftinni á Facebook í kvöld en hún segir hana hafa farið fram í faðmi þeirra Sævars nánustu í garðinum við æskuheimili hennar.

Hún segir að nafnið Brimir hafi komið til þeirra Sævars við lestur þeirra á Bláa hnettinum eftir Andra Snæ Magnason fyrir son Sævars. Brimir er önnur aðalpersóna barnabókarinna sívinsælu. Dóra Björt segir fyrir sér nafninu fylgja ferskur andvari.

Þá segir hún að Brimir Jaki sé baráttubarn í víðum skilningi en hann kom í heiminn nokkuð á undan átætlun. „Auðvitað bar Guðmund Jaka oft á góma og smám saman fór okkur að lítast vel á nafnið Jaki,“ segir hún.

Hún segir að fyrsta ferð barnsins í vagni eftir að það fæddist hafi svo einmitt verið á kjörstað. Þar hafi verið mikið af fjölmiðlum en Brimir Jaki hafi tekið því af stóískri ró. „Yfirvegaður lýðræðissinni,“ segir Dóra Björt um Brimi Jaka.

Píratar Ástin og lífið Tímamót Barnalán

Tengdar fréttir

„Skiptir hlutverk feðra gjörsamlega engu máli?“

Dóra Björt Guðjóndóttir, borgarfulltrúi Pírata og Sævar Ólafsson íþróttafræðingur eiga von á sínu fyrsta barni saman. Þegar til skoðunar kom hjá ljósmóður á dögunum var Sævari gert að bíða fyrir utan og það þykir Dóru Björt ekki boðlegt.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.