Nýr örlagavaldur á Ástareyjunni

„Í ár, í fyrsta skiptið frá upp­hafi, ætlum við að leyfa ykkur sem heima sitjið að leika ástar­guðinn. Þið hafið val um það hvaða strákur parar sig saman með hvaða stelpu,“ sagði Iain Stirling sem til­kynnti um breytingarnar í beinni útsendingu.

Það verður því á færi áhorfenda að para saman einstaklinga í þáttunum sem munu þá fara saman á stefnumót og gerast par þangað til næstu kosningar fara fram. 

Keppendur sumarsins voru kynntir til sögunnar í síðustu viku en þættirnir hefjast 7. júní. Ian hvetur áhorfendur til að ná sér í appið þar sem hægt verður að kjósa.

„Þið ráðið því hverjir verða saman. Þið getið skoðað alla kepp­endur, kannað stemminguna og valið þá sem ykkur líst á sem par. “ sagði Iain.