Martin stoð­sendinga­hæstur er Valencia féll úr leik í undan­úr­slitum

Frábær fyrsti leikhluti lagði grunninn að sigri gestanna frá Ítalíu. Munurinn strax orðinn átta stig þar og reyndist það of stór biti fyrir Valencia. Í raun var sóknarleikur Valencia í lamasessi allan leikinn en liðið skoraði mest 19 stig í leikhluta.

Það virtist þó sem heimamenn hefðu fundið lausnina í upphafi síðari hálfleiks en sóknarleikur gestanna var hvorki fugl né fiskur í þriðja leikhluta. Bologna skoraði aðeins 12 stig á þeim kafla en það kom ekki að sök á endanum þar sem liðið beit frá sér í fjórða leikhluta, lokatölur 73-83 og Valencia úr leik.

Martin spilaði rúmlega 22 mínútur, gaf sjö stoðsendingar, skoraði fimm stig og tók eitt frákast. Enginn leikmaður vallarins gaf fleiri stoðsendingar.