Veg­far­endur á Suður­landi beðnir um að leita skjóls

Gul veðurviðvörun hefur verið gefin út fyrir Suðurland þar sem er austan hvassviðri 15 til 20 metrar á sekúndu með snjókomu og skafrenningi. Á vefsíðu Veðurstofu Íslands segir að skyggni sé lélegt og að samgöngutruflanir séu líklegar.

Nú klukkan tíu tilkynnti Vegagerðin að flestar ökuleiðis á svæðinu væru lokaðar.

Í tilkynningu frá Lögreglunni á Suðurlandi segir að búið sé að loka vegum í nágrenni Selfoss. Búið sé að kalla út björgunarsveitir til að aðstoða ökumenn sem hafa fest í snjó.