Innlent

Rann­sókn á bruna í Brekku­bæjar­skóla unnin í sam­vinnu með barna­vernd

Atli Ísleifsson skrifar
Brekkubæjarskóli á Akranesi.
Brekkubæjarskóli á Akranesi. Akranesbær

Rannsókn lögreglu á bruna í Brekkubæjarskóla á Akranesi þann 13. janúar síðastliðinn er á lokastigi.

Frá þessu greinir lögreglan á Vesturlandi í færslu á Facebook. Telst málið upplýst og er það unnið í samvinnu með barnavernd. 

Ennfremur segir að rannsókn málsins hafi lögreglan á Vesturlandi notið liðsinnis tæknideildar lögreglunnar á höfuðborgarsvæðinu.

Allt tiltækt slökkvilið var kallað út eftir að tilkynnt var um eldinn að kvöldi fimmtudagsins fyrir viku. Slökkviliðsstjóri slökkviliðs Akraness og Hvalfjarðarsveitar sagði í samtali við Vísi að um tíu til fimmtán mínútur hafi tekið að slökkva eldinn sem kom upp í herbergi í skólanum.

Lögreglumál Akranes Barnavernd Grunnskólar Skóla - og menntamál

Tengdar fréttir

Mest lesið


Fleiri fréttir

Sjá meira


×

Mest lesið