Hildur gekk í það heilaga um jólin

„Um jólin giftist ég loks honum Jóni mínum í lítilli athöfn í stofunni heima, umkringd nánustu fjölskyldu. Herlegheitin voru ákveðin með nokkurra daga fyrirvara og komu viðstöddum að óvörum. Það var auðvitað löngu tímabært að þinglýsa ráðahagnum enda fyrningarfrestur á trúlofuninni að renna út,“ skrifar Hildur í færslu á Facebook, þar sem hún lætur fylgja með mynd af þeim hjónum ásamt börnum.

Þá biður hún vini sína og bandamenn um að örvænta ekki, þar sem stefnt sé á að halda partý í sumar.

Hildur greindi frá því í desember að hún sæktist eftir því að verða oddviti Sjálfstæðisflokksins í borginni, fyrir borgarstjórnarkosningarnar í vor. Hún stefnir á að vera borgarstjóri og ætlar sér að setja samgöngumál og leikskólamál á oddinn.

Eyþór Arnalds, núverandi oddviti Sjálfstæðismanna í borginni, tilkynnti um tveimur vikum síðar að hann væri hættur við að sækjast eftir oddvitasætinu í borginni, af persónulegum ástæðum.