Leikurinn var nokkuð jafn frá upphafi til enda en gestirnir frá Belgíu þó skrefi á undan, framan af leik þar að segja.
Markel Brown og Elvar Már fóru mikinn í liði gestanna og skoruðu samtals 47 stig fyrir Risana frá Antwerp. Því miður voru liðsfélagar þeirra ekki á sömu bylgjulengd.
Eftir mjög jafnan leik voru gestirnir með forystuna er síðasti fjórðungur leiksins hófst. Þar hrökk allt í baklás, liðið skoraði aðeins 12 stig og tapaði leiknum á endanum með fimm stiga mun.
Lokatölur 91-86 heimamönnum í vil og annað tap Antwerp í Evrópubikarnum staðreynd.
Elvar Már skoraði 22 stig, gaf 9 stoðsendingar og tók 5 fráköst í kvöld.
