Eftir frekar slakan fyrri hálfleik endaði CP3, eins og Paul er kallaður, með heilar 18 stoðsendingar í leiknum og 14 stig.
„Það er frekar svalt að fá að fylgjast með svona mikilfengleika,“ sagði Monty Williams, þjálfari Phoenix.
Þar með er Paul búinn að gefa 10.346 stoðsendingar á ferlinum og kominn upp fyrir þá Mark Jackson og Steve Nash. Aðeins tveir menn hafa gefið fleiri stoðsendingar í sögu deildarinnar og Paul, sem er 36 ára, á ansi langt í land með að ná þeim. Jason Kidd gaf 12.091 stoðsendingu en enginn toppar John Stockton sem gaf 15.806 stoðsendingar á sínum ferli.
Paul komst sömuleiðis upp í 45. sæti yfir flest stig í sögu deildarinnar og er með 20.056 stig.
Chris Paul tonight:
— NBA (@NBA) November 3, 2021
14 points (5-5 in 4Q)
7 boards
18 DIMES
20 point @Suns comeback...
...On a night where @CP3 moved up from 5th to 3rd all-time in assists! pic.twitter.com/n82VmoberH
Í Los Angeles unnu heimamenn í Lakers nauman sigur á Houston Rockets, 119-117, í annarri rimmu liðanna í þessari viku. Eftir öruggan sigur Lakers í fyrri leiknum slapp liðið með skrekkinn í nótt þegar Kevin Porter Jr. átti þriggja stiga skot í hringinn þegar lokaflautan gall.
30 for LBJ.
— NBA (@NBA) November 3, 2021
27 for AD.
27 for Russ.
The @Lakers trio combines for 84 points in their home W! pic.twitter.com/3z5UOJ9GZy
LeBron James skoraði 14 af 30 stigum sínum í lokaleikhlutanum. Russell Westbrook og Anthony Davis skoruðu 27 stig hvor í leiknum.
Úrslitin í nótt:
- Detroit 89-117 Milwaukee
- Dallas 110-125 Miami
- Utah 119-113 Sacramento
- Phoenix 112-100 New Orleans
- LA Lakers 119-117 Houston