Þórunn Antonía skemmti háskólanemum, klædd í glansandi samfesting.Cat Gundry-Beck
Icelandic Startups í samstarfi við Nýsköpunar- og frumkvöðlanefnd Háskóla Íslands héldu stærstu vísindaferð frá upphafi í Grósku á dögunum og mættu þar yfir 500 háskólanemar til að kynna sér Gulleggið – stærstu frumkvöðlakeppni landsins.
Þórunn Antónía steig á svið undir lokin og gjörsamlega tryllti allt eins og henni einni er lagið.
Gulleggið á sér langa sögu og verður haldið í 15. skipti í byrjun næsta árs. Gulleggið er keppni á hugmyndastigi, það er eina sem þarf til að taka þátt er hugmynd og í raun þarf ekki einu sinni hugmynd því hægt er að skrá sig til þáttöku án hugmyndar og fá þeir einstaklingar að finna sér teymi inni í keppninni.
Cat Gundry-Beck
Stuðningsaðilar Gulleggsins eru fjölmargir og voru Marel, Huawei, KPMG og fleiri fyrirtæki á svæðinu með bása að spjalla við fólk og CCP bauð gestum í heimsókn upp í höfuðstöðvar sínar sem eru einmitt á þriðju hæð í Grósku. Nýsköpunarnefndin stóð svo fyrir happdrætti og dreifði út fjölda vinninga.
Í albúminu hér fyrir neðan má sjá fleiri myndir frá Cat Gundry-Beck.
