FÍ og Heimsferðir leggja fram nýjar tillögur til að greiða fyrir samruna

Í tilkynningu á vef Samkeppniseftirlitsins kemur fram að forsvarsmenn FÍ og Heimsferða hyggist hins vegar tilkynna aftur um samruna en á breyttum forsendum og leggja til skilyrði til að eyða mögulegum samkeppnishindrunum vegna samrunans.

Um sé að ræða tillögur sem voru ekki settar fram við fyrri meðferð málsins og því hafi eftirlitinu ekki gefist tækifæri til að taka afstöðu til þeirra.

Samkeppniseftirlitið gaf út frummat vegna samrunans 10. júní síðastliðinn. Þar var FÍ og Heimsferðum gerð grein fyrir því að eftirlitið teldi samrunan skaðlegan samkeppni samkvæmt samkeppnislögum.

FÍ og Heimsferðir mótmæltu frummatinu en lögðu fram tillögur að skilyrðum, sem Samkeppniseftirlitið mat ófullnægjandi.

Þegar ný samrunatilkynning hefur borist verður meðferð þess máls hraðað eins og kostur er, segir í tilkynningu Samkeppniseftirlitsins.