Gætu boðað til verk­falls á mánu­dag

Annar fundur hefur verið boðaður í deilunni hjá ríkis­sátta­semjara á morgun og velta mögu­legar verk­falls­að­gerðir flug­um­ferðar­stjóranna væntan­lega á út­komu hans.

„Þetta mjakaðist lítið á­fram í dag,“ sagði Arnar Hjálms­son, for­maður Fé­lags ís­lenskra flug­um­ferðar­stjóra, í sam­tali við Vísi eftir fundinn, sem kláraðist í kvöld.

„Þetta hefur strandað á vinnu­tíma­málum. Það er búið að vera okkar helsta of fyrsta krafa síðan við­ræður byrjuðu í febrúar,“ segir hann.“

Ákveða framhaldið á morgun

Fé­lags­menn sam­þykktu það á mánu­daginn 9. ágúst að fara í sex sjálf­stæðar vinnu­stöðvanir í kjara­deilunni. Arnar segir að fimm þeirra hafi verið frestað og að tími til að boða þá síðustu renni út klukkan fimm á þriðju­dags­morgun. Fé­lagið myndi því boða til þess verk­falls á morgun ef það á­kvæði að fara í það. Boða þarf til verk­falls­að­gerða með viku­fyrir­vara.

Spurður hvort sér þyki lík­legt að af verk­fallinu verði segir hann: „Það er allt eins lík­legt. Við munum svo hitta trúnaðar­ráðið á morgun þar sem næstu skref verða á­kveðin og í hvaða átt skal halda. Og endur­nýja þá í raun um­boð okkar til að boða til verk­falla, ef okkur finnst vera þörf á. Þá myndum sem sagt láta kjósa um fleiri verk­föll.“

Hann vill ekki greina frá því í hverju verk­falls­að­gerðirnar myndu felast.

Hann segir þó að eitthvað hafi mjakast í deilunni síðustu vikur en ekki mikið. Þó þannig að félagið ákvað ekki að boða til hinna fimm verkfallanna, sem félagsmenn höfðu veitt því umboð til að boða, áður en frestur fyrir þau rann út.