Hreimur semur og flytur Þjóð­há­tíðar­lagið

Lagið ber heitið Göngum í takt og fjallar um eftirvæntinguna sem að kraumar inn í manni þegar að maður er að labba niður í dal, gegnum hliðið og heyrir í drununum úr brekkunni þegar þúsundir manns hafa þjappað sér saman og hátíðin er byrjuð.

Hreimur fékk Vigni Snæ Vigfússon með sér í að pródúsera lagið. Magni Ásgeirsson, sem að söng með Hreim árið 2001 í Þjóðhátíðarlaginu Lífið er yndislegt, verður einnig með að þessu sinni ásamt Emblu Margréti 16 ára dóttur Hreims sem að syngur einnig í laginu.

Fleiri koma að laginu og eru það þeir Benedikt Brynleifsson, trommur, Matthías Stefánsson, fiðla, Pálmi Sigurhjartarson, harmonikka og Árni Þór Guðjónsson, Steini Bjarka, Benedikt Brynleifs og Vignir Snær mynda kórinn.

Lagið kemur inn á Spotify & verður frumflutt á útvarpsstöðvum landsins föstudaginn 28. maí.

Miðasala á Þjóðhátíð í Eyjum hefst miðvikudaginn 26.maí.

Hér að neðan er hægt að lesa textann við lagið nýja:

Allir í bátana yfir á eyjuna förum í ferðalag

Ég vona að ég hitti þig, hátt upp í brekkunni

Við sitjum hlið við hlið.

Þegar eldar lýsa upp ský

Við erum komin saman á ný

Og Þessi hátíð byrjar upp á nýtt

Við förum inn í dal, við hittum ykkur þar

Syngjum saman öll, göngum í takt og búum til minningar

Við förum inn í dal, við hittum ykkur þar

Syngjum saman öll, göngum í takt og búum til minningar

Við sitjum á sama stað, horfum á brennuna, fuðra upp í nóttna

Svo syngjum við söngvana, kannski missum við röddina

En öllum er sama um það

Og þega eldar lýsa upp ský

Við erum komin saman á ný

Þessi hátíð byrjar upp á nýtt

Við förum inn í dal, við hittum ykkur þar

Syngjum saman öll, göngum í takt og búum okkur til minningar

Við förum inn í dal, við hittum ykkur þar

Syngjum saman öll, göngum í takt og búum okkur til minningar

Við komum alltaf aftur, Herjólfsdalur heilsar okkur

Við tökum höndum saman

Við erum Þjóðhátíð !!!