Þingmenn þungt hugsi eftir umfjöllun Kompáss: „Vægast sagt sláandi“ Birgir Olgeirsson og Nadine Guðrún Yaghi skrifa 18. maí 2021 16:15 Guðmundur Ingi Kristinsson, þingmaður Flokks fólksins, sagði sláandi til þess að vita að lögregla hafi hvorki haft tíma né mannafla til að fylgja eftir manni vopnuðum skammbyssu sem hann notaði um þremur vikum síðar til að myrða mann í Rauðagerði í febrúar. Vísir/Vilhelm Þingmönnum var mörgum hverjum mikið niðri fyrir þegar skipulögð glæpastarfsemi var rædd á þinginu í dag. Upphafsmaður umræðunnar var Sigmundur Davíð Gunnlaugsson formaður Miðflokksins sem telur ástæðu til að óttast að Íslendingar séu að missa tökin á skipulagðri glæpastarfsemi. „Umfang skipulagðrar glæpastarfsemi er þegar orðið umtalsvert á Íslandi. Íslensk stjórnvöld verða að bregðast við með afgerandi hætti, veita lögreglunni þau úrræði sem hún þarf á að halda. Við megum ekki við því að gera ástandið verra með breytingum sem auðvelda skipulagða glæpastarfsemi,“ sagði Sigmundur Davíð í ræðu sinni. Sigmundur Davíð Gunnlaugsson formaður Miðflokksins.Vísir/Vilhelm Hann telur að aðgerðir ríkisstjórnarinnar, á borð við frumvarp um um afglæpavæðingu neysluskammta og breytingar á á hælisleitendakerfinu, gangi þvert á það sem önnur Norðurlönd eru að gera til að koma í veg fyrir að kerfið sé misnotað af glæpagengjum. „Hér verður misnotkun kerfisins gerð enn meira aðlaðandi. Það verður auðveldara að tæla fólk hingað, selja því aðgang að kerfinu. Þessar breytingar ríkisstjórnarinnar eru gjöf til glæpagengja sem munu eiga auðveldara með að selja fíkniefnin og lögreglan erfiðara með að grípa inn í,“ sagði Sigmundur Davíð Gunnlaugsson. Hægt er að sjá fyrri umfjöllun Kompáss um skipulagða glæpastarfsemi hér: Í skötulíki Helga Vala Helgadóttir, þingmaður Samfylkingarinnar, sagði umræðuna um skipulagða glæpastarfsemi ágæta en taldi útgangspunkta Sigmundar Davíðs sérstaka. Helga Vala Helgadóttir þingmaður Samfylkingarinnar. Vísir/Vilhelm Helga Vala beindi orðum sínum að þeim aðbúnaði sem ríkisstjórnin býr eftirlitsstofnunum, lögreglu og skattrannsóknastjóra. „Af því það kom fram í mögnuðum þáttum um daginn, Kompásþáttum, að þeir sem best þekkja í þessum málaflokkum og starfa á þessum vettvangi segja að fjármagn, mannafli, aðbúnaður sem ríkisstjórn Íslands færi lögreglu og öðrum eftirlitsstofnunum, sé í skötulíki, því miður,“ sagði Helga Vala. Hún benti á að auknar fjárveitingar stjórnvalda til lögreglunnar dugi ekki til að koma til móts við styttingu vinnuvikunnar, hvað þá að berjast gegn skipulagðri glæpastarfsemi. „Við erum enn þá á þeim stað að það eru jafn margir lögreglumenn á Íslandi í dag og 2007, það eru nú öll ósköpin,“ sagði Helga Vala. Ekki hægt að stöðva mann með skammbyssu? Guðmundur Ingi Kristinsson, þingmaður Flokks fólksins, vitnaði einnig í umfjöllun Kompáss um skipulagða glæpastarfsemi og þann anga umfjöllunarinnar sem tók á Rauðagerðismálinu. Guðmundur Ingi Kristinsson þingmaður Flokks fólksins. Vísir/Vilhelm Rifjaði Guðmundur Ingi upp að lögregla hefði haft vitneskju um að maðurinn, sem gengist hefur við því að hafa myrt Armando Beqirai fyrir utan heimili hans í Rauðagerði í febrúar, hefði verið vopnaður skammbyssu um þremur vikum fyrir morðið. Lögregla hafi borið við að hún hefði hvorki haft tíma né mannafla til að fylgja málinu betur eftir. „Þetta er vægast sagt sláandi. Hvað er að í okkar samfélagi ef við getum ekki einu sinni séð til þess, þegar vitað er um mann á ferð með skammbyssu, að hægt sé að stöðva hann? Það segir okkur að það vantar fleiri lögreglumenn. Ég sá í nýlegri skýrslu að til þess að ná viðunandi fjölda lögreglumanna á Íslandi þyrfti sennilega að bæta við 180 lögreglumönnum hér á landi,“ sagði Guðmundur Ingi. Veruleiki sem eigi ekki að koma á óvart Karl Gauti Hjaltason, þingmaður Miðflokksins, sagði að morðinu hefði verið lýst sem aftöku í fjölmiðlum, og vitnaði þar í orð Þórönnu Helgu Gunnarsdóttur, ekkju Armando Beqirai, en hún lét þau falla í viðtali við Kompás. Karl Gauti Hjaltason þingmaður Miðflokksins. Vísir/Vilhelm Karl Gauti sagði að svo virtist vera sem þetta hefði verið einhverskonar uppgjör glæpahópa. Þjóðin hafi vaknað upp við nýjan veruleika sunnudagsmorguninn 14. febrúar en Karl Gauti vildi meina að þetta hefði ekki átt að koma fólki svo mikið á óvart. Hann sagði greiningardeild Ríkislögreglustjóra hafa bent á þessa hættu í skýrslu eftir skýrslu. Karl Gauti sagði þætti Kompáss um málefnið hafa verið afar fróðlega þar sem kom fram að aukin harka hefði færst í undirheimana á Íslandi. Tug milljarða viðskipti væru stunduð með fíkniefni og að tryggingasvik væri orðin þaulskipulögð. Hann sagði viðbrögð hafa skellt við skolleyrum þegar varað hefði verið þessari hættu undanfarin ár. Hægt er að sjá seinni hluta Kompás um skipulagða glæpastarfsemi hér þar sem rætt er við Þórönnu Helgu: Fjöldi aðgerða Áslaug Arna Sigurbjörnsdóttir dómsmálaráðherra sagði mjög skýra forgangsröðun hjá henni, ráðuneytinu og lögreglunni í baráttunni gegn skipulagðri glæpastarfsemi. Áslaug Arna Sigurbjörnsdóttir dómsmálaráðherra. Vísir/Vilhelm Hún sagði ríkisstjórnina hafa aukið fjármuni til lögreglunnar á nokkrum árum úr 14 milljörðum í 17 milljarða. Áslaug benti á að embætti Ríkislögreglustjóra hefði komið með ábendingar um að breyta reglugerð um rannsókn sakamála þannig að unnt verður að beita aðferðum á fyrri stigum rannsókna sem geti verið afar mikilvægt í rannsóknum sem varða skipulagða brotastarfsemi. Hún nefndi einnig fjölda frumvarpa sem samþykkt hafa verið á Alþingi og nefndi þar lög sem varða peningaþvætti, mansal og framsal sakamanna. Áslaug sagði kapp lagt á að bæta stöðu lögreglunnar svo hún hafi áfram þá burði og þann búnað sem þarf til að sinna þessum málum. Kompás Alþingi Lögreglumál Morð í Rauðagerði Tengdar fréttir „Þetta var bara aftaka“ Þóranna Helga Gunnarsdóttir, ekkja Armando Beqirai, telur yfirvöld hafa brugðist. Hún er gagnrýnin á að lögregla hafi haft upplýsingar um að sá sem gengist hefur við morðinu hafi verið vopnaður skammbyssu þremur vikum áður og verið á Íslandi þrátt fyrir að vera eftirlýstur í heimalandi. 4. maí 2021 08:00 Óttast að lenda undir gegn þaulskipulögðum glæpahópum Aukin harka, þaulskipulögð tryggingasvik og tugmilljarða fíkniefnaviðskipti einkenna nú undirheima Íslands. 3. maí 2021 08:01 Mest lesið Svarar gagnrýni á að Listaháskólinn útiloki ákveðna hópa Innlent Marilyn Manson verður ekki ákærður Erlent Íhugar formannsframboð Innlent „Ég get horft í augun á ykkur“ Innlent Fjórir fluttir með þyrlu eftir árekstur Innlent Foreldrar sextíu barna vilji leikskólastjórann burt Innlent Sakleysi dætranna hafi gufað upp Innlent Hrikalega spenntur að spreyta sig á nýjum vettvangi Innlent Sindri grunaður um fjárdrátt Innlent Ellert B. Schram er fallinn frá Innlent Fleiri fréttir Svarar gagnrýni á að Listaháskólinn útiloki ákveðna hópa Íhugar formannsframboð Lögðu fram tilboð sem var ekki svarað Fjórir fluttir með þyrlu eftir árekstur Guðrún íhugar framboð og Guinness-æði skekur íslenska djammið Lýsa yfir miklum vonbrigðum með stöðu viðræðna „Ég get horft í augun á ykkur“ Eldur í bíl í Strýtuseli Valt inn á byggingarsvæði eftir árekstur við strætó Anna, Anna og Sveinbjörn aðstoða ríkisstjórnina Hrikalega spenntur að spreyta sig á nýjum vettvangi Ellert B. Schram er fallinn frá „Það á auðvitað að fara að lögum“ Segir borgina hafa unnið að lausn mála hjá Maríuborg um nokkurt skeið Maðurinn hafi talið sig vera að fara að hitta stúlku á fermingaraldri Boða til allsherjarfundar samninganefnda Kennarasambandsins Lögregla rannsakar tálbeituaðgerð ungmenna Grjóthörð sparnaðarráð til Kristrúnar með ástarkveðju frá FA Lenti í kófi og ók í veg fyrir tvo vörubíla Óttast að íbúar utan Reykjavíkur festist í gistiskýlunum Fimm ára leyfi frá borginni til að fara á þing Foreldrar sextíu barna vilji leikskólastjórann burt Farinn af vettvangi en fannst með áverka stuttu síðar Hús varð fyrir tjóni vegna eldingar Viss um sigurinn en óviss um að komast inn á landsfundinn „Við erum algjörlega komin á endastöð“ „Enn einn áfellisdómurinn yfir stjórnsýslu borgarinnar“ Staðfestir niðurfellingu rannsóknar á blaðamönnunum Áfellisdómur á stjórnsýslu borgarinnar og meintur fjárdráttur Að minnsta kosti þrettán milljónir og „einbeittur brotavilji“ Sjá meira
„Umfang skipulagðrar glæpastarfsemi er þegar orðið umtalsvert á Íslandi. Íslensk stjórnvöld verða að bregðast við með afgerandi hætti, veita lögreglunni þau úrræði sem hún þarf á að halda. Við megum ekki við því að gera ástandið verra með breytingum sem auðvelda skipulagða glæpastarfsemi,“ sagði Sigmundur Davíð í ræðu sinni. Sigmundur Davíð Gunnlaugsson formaður Miðflokksins.Vísir/Vilhelm Hann telur að aðgerðir ríkisstjórnarinnar, á borð við frumvarp um um afglæpavæðingu neysluskammta og breytingar á á hælisleitendakerfinu, gangi þvert á það sem önnur Norðurlönd eru að gera til að koma í veg fyrir að kerfið sé misnotað af glæpagengjum. „Hér verður misnotkun kerfisins gerð enn meira aðlaðandi. Það verður auðveldara að tæla fólk hingað, selja því aðgang að kerfinu. Þessar breytingar ríkisstjórnarinnar eru gjöf til glæpagengja sem munu eiga auðveldara með að selja fíkniefnin og lögreglan erfiðara með að grípa inn í,“ sagði Sigmundur Davíð Gunnlaugsson. Hægt er að sjá fyrri umfjöllun Kompáss um skipulagða glæpastarfsemi hér: Í skötulíki Helga Vala Helgadóttir, þingmaður Samfylkingarinnar, sagði umræðuna um skipulagða glæpastarfsemi ágæta en taldi útgangspunkta Sigmundar Davíðs sérstaka. Helga Vala Helgadóttir þingmaður Samfylkingarinnar. Vísir/Vilhelm Helga Vala beindi orðum sínum að þeim aðbúnaði sem ríkisstjórnin býr eftirlitsstofnunum, lögreglu og skattrannsóknastjóra. „Af því það kom fram í mögnuðum þáttum um daginn, Kompásþáttum, að þeir sem best þekkja í þessum málaflokkum og starfa á þessum vettvangi segja að fjármagn, mannafli, aðbúnaður sem ríkisstjórn Íslands færi lögreglu og öðrum eftirlitsstofnunum, sé í skötulíki, því miður,“ sagði Helga Vala. Hún benti á að auknar fjárveitingar stjórnvalda til lögreglunnar dugi ekki til að koma til móts við styttingu vinnuvikunnar, hvað þá að berjast gegn skipulagðri glæpastarfsemi. „Við erum enn þá á þeim stað að það eru jafn margir lögreglumenn á Íslandi í dag og 2007, það eru nú öll ósköpin,“ sagði Helga Vala. Ekki hægt að stöðva mann með skammbyssu? Guðmundur Ingi Kristinsson, þingmaður Flokks fólksins, vitnaði einnig í umfjöllun Kompáss um skipulagða glæpastarfsemi og þann anga umfjöllunarinnar sem tók á Rauðagerðismálinu. Guðmundur Ingi Kristinsson þingmaður Flokks fólksins. Vísir/Vilhelm Rifjaði Guðmundur Ingi upp að lögregla hefði haft vitneskju um að maðurinn, sem gengist hefur við því að hafa myrt Armando Beqirai fyrir utan heimili hans í Rauðagerði í febrúar, hefði verið vopnaður skammbyssu um þremur vikum fyrir morðið. Lögregla hafi borið við að hún hefði hvorki haft tíma né mannafla til að fylgja málinu betur eftir. „Þetta er vægast sagt sláandi. Hvað er að í okkar samfélagi ef við getum ekki einu sinni séð til þess, þegar vitað er um mann á ferð með skammbyssu, að hægt sé að stöðva hann? Það segir okkur að það vantar fleiri lögreglumenn. Ég sá í nýlegri skýrslu að til þess að ná viðunandi fjölda lögreglumanna á Íslandi þyrfti sennilega að bæta við 180 lögreglumönnum hér á landi,“ sagði Guðmundur Ingi. Veruleiki sem eigi ekki að koma á óvart Karl Gauti Hjaltason, þingmaður Miðflokksins, sagði að morðinu hefði verið lýst sem aftöku í fjölmiðlum, og vitnaði þar í orð Þórönnu Helgu Gunnarsdóttur, ekkju Armando Beqirai, en hún lét þau falla í viðtali við Kompás. Karl Gauti Hjaltason þingmaður Miðflokksins. Vísir/Vilhelm Karl Gauti sagði að svo virtist vera sem þetta hefði verið einhverskonar uppgjör glæpahópa. Þjóðin hafi vaknað upp við nýjan veruleika sunnudagsmorguninn 14. febrúar en Karl Gauti vildi meina að þetta hefði ekki átt að koma fólki svo mikið á óvart. Hann sagði greiningardeild Ríkislögreglustjóra hafa bent á þessa hættu í skýrslu eftir skýrslu. Karl Gauti sagði þætti Kompáss um málefnið hafa verið afar fróðlega þar sem kom fram að aukin harka hefði færst í undirheimana á Íslandi. Tug milljarða viðskipti væru stunduð með fíkniefni og að tryggingasvik væri orðin þaulskipulögð. Hann sagði viðbrögð hafa skellt við skolleyrum þegar varað hefði verið þessari hættu undanfarin ár. Hægt er að sjá seinni hluta Kompás um skipulagða glæpastarfsemi hér þar sem rætt er við Þórönnu Helgu: Fjöldi aðgerða Áslaug Arna Sigurbjörnsdóttir dómsmálaráðherra sagði mjög skýra forgangsröðun hjá henni, ráðuneytinu og lögreglunni í baráttunni gegn skipulagðri glæpastarfsemi. Áslaug Arna Sigurbjörnsdóttir dómsmálaráðherra. Vísir/Vilhelm Hún sagði ríkisstjórnina hafa aukið fjármuni til lögreglunnar á nokkrum árum úr 14 milljörðum í 17 milljarða. Áslaug benti á að embætti Ríkislögreglustjóra hefði komið með ábendingar um að breyta reglugerð um rannsókn sakamála þannig að unnt verður að beita aðferðum á fyrri stigum rannsókna sem geti verið afar mikilvægt í rannsóknum sem varða skipulagða brotastarfsemi. Hún nefndi einnig fjölda frumvarpa sem samþykkt hafa verið á Alþingi og nefndi þar lög sem varða peningaþvætti, mansal og framsal sakamanna. Áslaug sagði kapp lagt á að bæta stöðu lögreglunnar svo hún hafi áfram þá burði og þann búnað sem þarf til að sinna þessum málum.
Kompás Alþingi Lögreglumál Morð í Rauðagerði Tengdar fréttir „Þetta var bara aftaka“ Þóranna Helga Gunnarsdóttir, ekkja Armando Beqirai, telur yfirvöld hafa brugðist. Hún er gagnrýnin á að lögregla hafi haft upplýsingar um að sá sem gengist hefur við morðinu hafi verið vopnaður skammbyssu þremur vikum áður og verið á Íslandi þrátt fyrir að vera eftirlýstur í heimalandi. 4. maí 2021 08:00 Óttast að lenda undir gegn þaulskipulögðum glæpahópum Aukin harka, þaulskipulögð tryggingasvik og tugmilljarða fíkniefnaviðskipti einkenna nú undirheima Íslands. 3. maí 2021 08:01 Mest lesið Svarar gagnrýni á að Listaháskólinn útiloki ákveðna hópa Innlent Marilyn Manson verður ekki ákærður Erlent Íhugar formannsframboð Innlent „Ég get horft í augun á ykkur“ Innlent Fjórir fluttir með þyrlu eftir árekstur Innlent Foreldrar sextíu barna vilji leikskólastjórann burt Innlent Sakleysi dætranna hafi gufað upp Innlent Hrikalega spenntur að spreyta sig á nýjum vettvangi Innlent Sindri grunaður um fjárdrátt Innlent Ellert B. Schram er fallinn frá Innlent Fleiri fréttir Svarar gagnrýni á að Listaháskólinn útiloki ákveðna hópa Íhugar formannsframboð Lögðu fram tilboð sem var ekki svarað Fjórir fluttir með þyrlu eftir árekstur Guðrún íhugar framboð og Guinness-æði skekur íslenska djammið Lýsa yfir miklum vonbrigðum með stöðu viðræðna „Ég get horft í augun á ykkur“ Eldur í bíl í Strýtuseli Valt inn á byggingarsvæði eftir árekstur við strætó Anna, Anna og Sveinbjörn aðstoða ríkisstjórnina Hrikalega spenntur að spreyta sig á nýjum vettvangi Ellert B. Schram er fallinn frá „Það á auðvitað að fara að lögum“ Segir borgina hafa unnið að lausn mála hjá Maríuborg um nokkurt skeið Maðurinn hafi talið sig vera að fara að hitta stúlku á fermingaraldri Boða til allsherjarfundar samninganefnda Kennarasambandsins Lögregla rannsakar tálbeituaðgerð ungmenna Grjóthörð sparnaðarráð til Kristrúnar með ástarkveðju frá FA Lenti í kófi og ók í veg fyrir tvo vörubíla Óttast að íbúar utan Reykjavíkur festist í gistiskýlunum Fimm ára leyfi frá borginni til að fara á þing Foreldrar sextíu barna vilji leikskólastjórann burt Farinn af vettvangi en fannst með áverka stuttu síðar Hús varð fyrir tjóni vegna eldingar Viss um sigurinn en óviss um að komast inn á landsfundinn „Við erum algjörlega komin á endastöð“ „Enn einn áfellisdómurinn yfir stjórnsýslu borgarinnar“ Staðfestir niðurfellingu rannsóknar á blaðamönnunum Áfellisdómur á stjórnsýslu borgarinnar og meintur fjárdráttur Að minnsta kosti þrettán milljónir og „einbeittur brotavilji“ Sjá meira
„Þetta var bara aftaka“ Þóranna Helga Gunnarsdóttir, ekkja Armando Beqirai, telur yfirvöld hafa brugðist. Hún er gagnrýnin á að lögregla hafi haft upplýsingar um að sá sem gengist hefur við morðinu hafi verið vopnaður skammbyssu þremur vikum áður og verið á Íslandi þrátt fyrir að vera eftirlýstur í heimalandi. 4. maí 2021 08:00
Óttast að lenda undir gegn þaulskipulögðum glæpahópum Aukin harka, þaulskipulögð tryggingasvik og tugmilljarða fíkniefnaviðskipti einkenna nú undirheima Íslands. 3. maí 2021 08:01