Byggjum upp Egilsstaðaflugvöll! Njáll Trausti Friðbertsson skrifar 23. apríl 2021 08:36 Þrátt fyrir víðsjá í efnahagsmálum er sannfæring mín að nauðsyn sé að horfa til framtíðar varðandi uppbyggingu innviða landsins. Við megum ekki láta það kröfuharða verkefni sem heimsfaraldurinn er byrgja framtíðarsýn. Þótt dregið hafi úr flugi um sinn eru öll teikn um mikla aukningu á komandi árum. Nauðsynleg uppbygging innanlandsflugs til almenningssamgagna og sem hluti heilbrigðiskerfis landsins ætti að vera ofarlega á forgangslista stjórnmálamanna hvar í flokki sem þeir standa. Það er lykilþáttur í atvinnuuppbyggingu og byggðafestu. Sama gildir um alþjóðaflugvallakerfi okkar sem byggist upp á fjórum flugvöllum, Keflavík, Reykjavík, Egilsstöðum og Akureyri. Markvissar ætti að byggja það upp vegna öryggissjónarmiða og einnig mikilvægi þess að halda byggð og til atvinnuuppbyggingar. Fyrir faraldurinn varð gríðarleg aukning í millilandaflugi en innviðir ekki byggðir upp í samhengi við það. Forysta atvinnuflugmanna hefur varað við háskalegu ástandi öryggismála vegna lokunar Keflavíkur sakir óblíðra náttúruafla. Því verði að hraða uppbyggingu varaflugvalla alþjóðaflugs. — Eldhræringar á Reykjanesi skyldu vera hávært ákall um örugga varaflugvelli í fleiri en einum landshluta. Fjármunir 46-54 sinnum meiri í Keflavík Samgönguáætlun Alþingis til ársins 2033, gerir ráð fyrir að stofnkostnaður, viðhald og reglubundin endurnýjun á flugvallarkerfinu nemi um 2.8 milljarða á næstu fimm árum. En dugar skammt fyrir allar þær nauðsynlegu framkvæmdir sem í þarf að ráðast í vítt og breitt um landið. Þetta á ekki síst við um alþjóðaflugvellina á Akureyri og Egilsstöðum þar sem miklar framkvæmdir bíða. ISAVIA, sem er ríkisstofnun og sér um rekstur flugvallanna og forgangsröðun fjármuna, íhugar nú framkvæmdir í Keflavík upp á 130–150 milljarða á næstu árum. Ég geri ekki lítið úr mikilvægi þess en þetta er 46–54 sinnum hærri upphæð en til uppbyggingar innviða innanlandsflugs. Allar framkvæmdir innanlands á vegum ISAVIA eru fjármagnaðar úr ríkissjóði. Sama gildir um fjármögnun varaflugvallakerfisins fyrir alþjóðaflug líkt og kveðið er á um í flugstefnu sem Alþingi samþykkti nýverið. ISAVIA átti að taka við rekstri og fjármögnun hluta viðhalds á Egilsstaðaflugvelli í byrjun síðasta árs en hefur ekki gengið eftir. Einn fjögurra millilandaflugvalla landsins Á Egilsstöðum er einn af fjórum millilandaflugvöllum landsins, opinn frá 7 til 23 auk bakvakta sem tryggir að hann sé alltaf opinn allt árið. Flugstöð var upphaflega byggð á árunum 1958 —1968 og um 1960 var nýr flugturn tekinn í notkun. Stöðin endurbyggð á árunum 1987 til 1999 og nýr komusalur tekinn í notkun árið 2007. Framkvæmdir við núverandi flugbraut gerðar á árunum 1987-1993. Veðurfar fyrir flug þykir hagstætt og áreiðanleiki er nær 99%. En svo flugvöllurinn nýtist sem skyldi þarf uppbyggingu. Þannig þjónaði flugvöllurinn betur hlutverki sínu í samgöngum og í heilbrigðiskerfi, og mætir öryggiskröfum. Einungis þannig rækir hann hlutverk sitt sem einn af varaflugvöllum landsins. Einungis þannig yrði hægt að gera völlinn að alþjóðlegri fluggátt inn í landið, og skapa ótal tækifæri fyrir íbúa og atvinnuuppbyggingu framtíðarinnar. Sjö atriði til uppbyggingar Egilsstaðaflugvallar Austfirðingar eiga að gera kröfur í komandi kosningum um eftirfarandi framkvæmdir á Egilsstaðaflugvelli á næsta kjörtímabili: Nauðsynlegt er að byggja nýtt 20.000 fermetra flughlað norðan við núverandi flugstöð. Það hefur tvíþætt hlutverk: Annars vegar er mikilvægt við slíkt flughlað að byggja upp aðstöðu til að þjónusta fraktflutninga til að skapa útflutning á ferskum laxi. Nýtt flughlað þýðir einnig að öryggiskröfum yrði fylgt þar sem flugvöllurinn gegnir mjög mikilvægu hlutverki sem varaflugvöllur fyrir Keflavíkurvöll. Aukning millilandaflugs um Keflavík eykur þörf fyrir net öflugra alþjóðaflugvalla um Ísland. Nýtt stækkað flughlað gæti tekið við 6-7 vélum til viðbótar við núverandirými sem er fyrir 4-5 flugvélar. Eftir slíka uppbyggingu gæti flugvöllurinn í neyð tekið við 10-12 farþegaþotum samtímis í stæði. Ljúka verður nauðsynlegu viðhaldi með malbikun flugbrautar sem ekki hefur verið malbikuð síðan hún var tekin í notkun árið 1993 eða í 28 ár. Öryggisnefnd Félags íslenskra atvinnuflugmanna hefur gert alvarlegar athugasemdir við ástand flugbrautarinnar. Almennt er miðað við nauðsyn á endurnýjun malbiks flugbrauta á 20 ára fresti. Áætlaður kostnaður við framkvæmdina eru um 1.400 milljónir króna. Koma verður upp akbraut flugvéla við hlið flugbrautarinnar. Þetta er nauðsynlegt þegar margar flugvélar þurfa að snúa til varaflugvallar á sama tíma þegar aðrir flugvellir lokast. Í neyð væri hægt að raða þeim upp á slíkri braut. Mikil uppbygging fiskeldis á Austfjörðum kallar á ferskvöruflutninga. Nauðsynlegt er að byggja aðstöðu á Egilsstaðaflugvelli til að þjónusta fraktflutninga einkum á ferskum laxi. Það kallar á uppbyggingu húsnæðis með nauðsynlegum búnaði og að hugað verði að landi flugvallarins með þeim svæðum sem þarf til frekari uppbyggingar. Í aðalskipulagi er gert ráð fyrir að lengja flugbrautina um 400 metra, þannig að hún yrði 2.400 metrar. Það styrkir flug stærri flugvéla um völlinn sérstaklega fraktflugvéla og einnig þeirra sem fljúga langar leiðir og fara tankfullar á loft. Aukin umferð og öryggiskröfur kalla á styrkingu aðflugsbúnaðar og aðflugsferla sem alþjóðlegs varaflugvallar og alþjóðaflugvallar. Huga þarf að nýjum möguleikum gervihnattaleiðsagnar og hefðbundnum aðflugsbúnaði. Hér er sérstaklega horft til nákvæmisaðflugs og aðflugsljósa inn á flugbraut. Flugmálayfirvöld ásamt Múlaþingi þurfa að hefja vinnu við skipulagsbreytingar svo starfsemi flugvallarins nái að dafna og vaxa og tryggja honum það landsvæði sem nauðsynlegt væri. Flest hér að ofan eru ekki nýjar hugmyndir. Á fundi þingmanna kjördæmisins og landshlutasamtakanna í kjördæmavikunni í febrúar árið 2018, lagði ég til að ráðist yrði í skýrslu um þessa uppbyggingu. Sú hugmynd fékk því miður ekki hljómgrunn þá. Ég mun því halda áfram að minna á nauðsyn þess að horfa til framtíðar þegar kemur að uppbyggingu innviða — ekki síst á Egilsstaðarflugvelli. Það verður kosið í haust! ÚTDRÁTTUR: Austfirðingar skyldu gera sjö kröfur í komandi kosningum um framkvæmdir á Egilsstaðaflugvelli. Höfundur er þingmaður Sjálfstæðisflokksins í Norðausturkjördæmi. Viltu birta grein á Vísi? Sendu okkur póst. Senda grein Njáll Trausti Friðbertsson Skoðun: Kosningar 2021 Fréttir af flugi Múlaþing Egilsstaðaflugvöllur Mest lesið Líf eftir afplánun Eva Sóley Kristjánsdóttir Skoðun Þjónn, það er bakslag í beinasoðinu mínu Hlédís Maren Guðmundsdóttir Skoðun Fáni okkar allra Hörður Lárusson Skoðun Séríslensk hávaxtastefna Sigurjón Þórðarson Skoðun Ég hef… Karólína Helga Símonardóttir Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun Mér var sagt að þegja á meðan fréttatíminn var Haukur Brynjarsson Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun Forljót grá hús Hjalti Andrason Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir Skoðun Skoðun Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar Skoðun Pyrrosar sigur Helgi Tómasson skrifar Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar Skoðun Mér var sagt að þegja á meðan fréttatíminn var Haukur Brynjarsson skrifar Skoðun Allt fyrir Brussel og Nató, hitt reddast einhvern veginn Davíð Bergmann skrifar Skoðun Forljót grá hús Hjalti Andrason skrifar Skoðun Líf eftir afplánun Eva Sóley Kristjánsdóttir skrifar Skoðun Fáni okkar allra Hörður Lárusson skrifar Skoðun Séríslensk hávaxtastefna Sigurjón Þórðarson skrifar Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar Skoðun Ég hef… Karólína Helga Símonardóttir skrifar Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar Skoðun Er yfirvöldum alveg sama um fólk á bifhjólum? Njáll Gunnlaugsson skrifar Skoðun Ekki mamman í hópnum - leiðtoginn í hópnum Katrín Ásta Sigurjónsdóttir skrifar Skoðun Rannsóknarnefnd styrjalda Gunnar Einarsson skrifar Skoðun Börn eiga ekki heima í fangelsi Tótla I. Sæmundsdóttir skrifar Skoðun Aðförin að einkabílnum eða bara meira frelsi? Kristín Hrefna Halldórsdóttir skrifar Skoðun Kvöld sem er ekki bara fyrir börnin Alicja Lei skrifar Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar Skoðun Málið er dautt (A Modest Proposal) skrifar Skoðun Femínísk utanríkisstefna: aukin samstaða og aðgerðir Guillaume Bazard skrifar Skoðun Hagsmunir flugrekstrar á Íslandi eru miklir Jóhannes Bjarni Guðmundsson skrifar Skoðun Þjónn, það er bakslag í beinasoðinu mínu Hlédís Maren Guðmundsdóttir skrifar Skoðun Samhljómur á meðal ÍSÍ og Íslandsspila um endursköpun spilaumhverfisins Ingvar Örn Ingvarsson skrifar Skoðun Kvennabarátta á tímum bakslags Tatjana Latinovic skrifar Skoðun Líttupp - ertu að missa af einhverju? Skúli Bragi Geirdal skrifar Skoðun Betri hellir, stærri kylfur? Ingvar Þóroddsson skrifar Skoðun Er loftslagskvíðinn horfinn? Sonja Huld Guðjónsdóttir skrifar Skoðun Okur fákeppni og ofurvextir halda uppi verðbólgu Þorsteinn Sæmundsson skrifar Sjá meira
Þrátt fyrir víðsjá í efnahagsmálum er sannfæring mín að nauðsyn sé að horfa til framtíðar varðandi uppbyggingu innviða landsins. Við megum ekki láta það kröfuharða verkefni sem heimsfaraldurinn er byrgja framtíðarsýn. Þótt dregið hafi úr flugi um sinn eru öll teikn um mikla aukningu á komandi árum. Nauðsynleg uppbygging innanlandsflugs til almenningssamgagna og sem hluti heilbrigðiskerfis landsins ætti að vera ofarlega á forgangslista stjórnmálamanna hvar í flokki sem þeir standa. Það er lykilþáttur í atvinnuuppbyggingu og byggðafestu. Sama gildir um alþjóðaflugvallakerfi okkar sem byggist upp á fjórum flugvöllum, Keflavík, Reykjavík, Egilsstöðum og Akureyri. Markvissar ætti að byggja það upp vegna öryggissjónarmiða og einnig mikilvægi þess að halda byggð og til atvinnuuppbyggingar. Fyrir faraldurinn varð gríðarleg aukning í millilandaflugi en innviðir ekki byggðir upp í samhengi við það. Forysta atvinnuflugmanna hefur varað við háskalegu ástandi öryggismála vegna lokunar Keflavíkur sakir óblíðra náttúruafla. Því verði að hraða uppbyggingu varaflugvalla alþjóðaflugs. — Eldhræringar á Reykjanesi skyldu vera hávært ákall um örugga varaflugvelli í fleiri en einum landshluta. Fjármunir 46-54 sinnum meiri í Keflavík Samgönguáætlun Alþingis til ársins 2033, gerir ráð fyrir að stofnkostnaður, viðhald og reglubundin endurnýjun á flugvallarkerfinu nemi um 2.8 milljarða á næstu fimm árum. En dugar skammt fyrir allar þær nauðsynlegu framkvæmdir sem í þarf að ráðast í vítt og breitt um landið. Þetta á ekki síst við um alþjóðaflugvellina á Akureyri og Egilsstöðum þar sem miklar framkvæmdir bíða. ISAVIA, sem er ríkisstofnun og sér um rekstur flugvallanna og forgangsröðun fjármuna, íhugar nú framkvæmdir í Keflavík upp á 130–150 milljarða á næstu árum. Ég geri ekki lítið úr mikilvægi þess en þetta er 46–54 sinnum hærri upphæð en til uppbyggingar innviða innanlandsflugs. Allar framkvæmdir innanlands á vegum ISAVIA eru fjármagnaðar úr ríkissjóði. Sama gildir um fjármögnun varaflugvallakerfisins fyrir alþjóðaflug líkt og kveðið er á um í flugstefnu sem Alþingi samþykkti nýverið. ISAVIA átti að taka við rekstri og fjármögnun hluta viðhalds á Egilsstaðaflugvelli í byrjun síðasta árs en hefur ekki gengið eftir. Einn fjögurra millilandaflugvalla landsins Á Egilsstöðum er einn af fjórum millilandaflugvöllum landsins, opinn frá 7 til 23 auk bakvakta sem tryggir að hann sé alltaf opinn allt árið. Flugstöð var upphaflega byggð á árunum 1958 —1968 og um 1960 var nýr flugturn tekinn í notkun. Stöðin endurbyggð á árunum 1987 til 1999 og nýr komusalur tekinn í notkun árið 2007. Framkvæmdir við núverandi flugbraut gerðar á árunum 1987-1993. Veðurfar fyrir flug þykir hagstætt og áreiðanleiki er nær 99%. En svo flugvöllurinn nýtist sem skyldi þarf uppbyggingu. Þannig þjónaði flugvöllurinn betur hlutverki sínu í samgöngum og í heilbrigðiskerfi, og mætir öryggiskröfum. Einungis þannig rækir hann hlutverk sitt sem einn af varaflugvöllum landsins. Einungis þannig yrði hægt að gera völlinn að alþjóðlegri fluggátt inn í landið, og skapa ótal tækifæri fyrir íbúa og atvinnuuppbyggingu framtíðarinnar. Sjö atriði til uppbyggingar Egilsstaðaflugvallar Austfirðingar eiga að gera kröfur í komandi kosningum um eftirfarandi framkvæmdir á Egilsstaðaflugvelli á næsta kjörtímabili: Nauðsynlegt er að byggja nýtt 20.000 fermetra flughlað norðan við núverandi flugstöð. Það hefur tvíþætt hlutverk: Annars vegar er mikilvægt við slíkt flughlað að byggja upp aðstöðu til að þjónusta fraktflutninga til að skapa útflutning á ferskum laxi. Nýtt flughlað þýðir einnig að öryggiskröfum yrði fylgt þar sem flugvöllurinn gegnir mjög mikilvægu hlutverki sem varaflugvöllur fyrir Keflavíkurvöll. Aukning millilandaflugs um Keflavík eykur þörf fyrir net öflugra alþjóðaflugvalla um Ísland. Nýtt stækkað flughlað gæti tekið við 6-7 vélum til viðbótar við núverandirými sem er fyrir 4-5 flugvélar. Eftir slíka uppbyggingu gæti flugvöllurinn í neyð tekið við 10-12 farþegaþotum samtímis í stæði. Ljúka verður nauðsynlegu viðhaldi með malbikun flugbrautar sem ekki hefur verið malbikuð síðan hún var tekin í notkun árið 1993 eða í 28 ár. Öryggisnefnd Félags íslenskra atvinnuflugmanna hefur gert alvarlegar athugasemdir við ástand flugbrautarinnar. Almennt er miðað við nauðsyn á endurnýjun malbiks flugbrauta á 20 ára fresti. Áætlaður kostnaður við framkvæmdina eru um 1.400 milljónir króna. Koma verður upp akbraut flugvéla við hlið flugbrautarinnar. Þetta er nauðsynlegt þegar margar flugvélar þurfa að snúa til varaflugvallar á sama tíma þegar aðrir flugvellir lokast. Í neyð væri hægt að raða þeim upp á slíkri braut. Mikil uppbygging fiskeldis á Austfjörðum kallar á ferskvöruflutninga. Nauðsynlegt er að byggja aðstöðu á Egilsstaðaflugvelli til að þjónusta fraktflutninga einkum á ferskum laxi. Það kallar á uppbyggingu húsnæðis með nauðsynlegum búnaði og að hugað verði að landi flugvallarins með þeim svæðum sem þarf til frekari uppbyggingar. Í aðalskipulagi er gert ráð fyrir að lengja flugbrautina um 400 metra, þannig að hún yrði 2.400 metrar. Það styrkir flug stærri flugvéla um völlinn sérstaklega fraktflugvéla og einnig þeirra sem fljúga langar leiðir og fara tankfullar á loft. Aukin umferð og öryggiskröfur kalla á styrkingu aðflugsbúnaðar og aðflugsferla sem alþjóðlegs varaflugvallar og alþjóðaflugvallar. Huga þarf að nýjum möguleikum gervihnattaleiðsagnar og hefðbundnum aðflugsbúnaði. Hér er sérstaklega horft til nákvæmisaðflugs og aðflugsljósa inn á flugbraut. Flugmálayfirvöld ásamt Múlaþingi þurfa að hefja vinnu við skipulagsbreytingar svo starfsemi flugvallarins nái að dafna og vaxa og tryggja honum það landsvæði sem nauðsynlegt væri. Flest hér að ofan eru ekki nýjar hugmyndir. Á fundi þingmanna kjördæmisins og landshlutasamtakanna í kjördæmavikunni í febrúar árið 2018, lagði ég til að ráðist yrði í skýrslu um þessa uppbyggingu. Sú hugmynd fékk því miður ekki hljómgrunn þá. Ég mun því halda áfram að minna á nauðsyn þess að horfa til framtíðar þegar kemur að uppbyggingu innviða — ekki síst á Egilsstaðarflugvelli. Það verður kosið í haust! ÚTDRÁTTUR: Austfirðingar skyldu gera sjö kröfur í komandi kosningum um framkvæmdir á Egilsstaðaflugvelli. Höfundur er þingmaður Sjálfstæðisflokksins í Norðausturkjördæmi.
Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir Skoðun
Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar
Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar
Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar
Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar
Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar
Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar
Skoðun Samhljómur á meðal ÍSÍ og Íslandsspila um endursköpun spilaumhverfisins Ingvar Örn Ingvarsson skrifar
Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir Skoðun