„Hélt að það myndi bókstaflega líða yfir mig“

Foreldrarnir eru bæði bardagakappar. Þetta er fyrsta barn Sigríðar Jónu en Jón Viðar á dreng úr fyrra sambandi. Hann tilkynnti gleðitíðindin á Facebook og lýsti fæðingunni á sinn einstaka hátt. 

„Eftir mikið stríð í 2 sólarhringa, hérna á Landspítalanum, endaði þetta með “harakiri” - samurai style. Keisaraskurði. Hef aldrei verið eins stressaður. Var farinn að hafa meiri áhyggjur af sjálfum mér en Siggu. Hélt það myndi bókstaflega líða yfir mig á skurðstofunni. 

En þvílik hetja er hún, allar þessar kvalir sem hún fór gegnum þessa tvo sólarhringa, ég hefði ekki þolað brot af þeim.“

Hann þakkar heilbrigðisstarfsfólki fyrir að hjálpa þeim í gegnum þetta. Drengurinn var 16 merkur og 55 sentímetrar.