Viðskipti innlent

Hætta rekstri Qu­iznos á Ís­landi

Atli Ísleifsson skrifar
Alls hafa verið reknir tólf Quiznos-staðir á hjá stöðvum Olís víðs vegar um land.
Alls hafa verið reknir tólf Quiznos-staðir á hjá stöðvum Olís víðs vegar um land. Olís

Olís mun á næstu dögum hætta rekstri Quiznos sem hefur verið að finna á tólf þjónustustöðvum Olís víðs vegar um land. Olís hyggst þess í stað bjóða upp skyndibita undir merkjum eigin vörumerkis, ReDi Deli.

Frá þessu segir í Viðskiptablaðinu, en þar er haft eftir Jóni Ólafi Halldórssyni, forstjóra Olís, að ákvörðun um að hætta með Quiznos megi tekja til áhrifa faraldurs kórónuveirunnar. Hann segir að tekjufall hafi verið mikið og ráðist hafi verið í miklar hagræðingar- og umbótaaðgerðir. Lokun Quiznos sé liður í því.

Olís sótti um sérleyfi fyrir Quiznos á Íslandi árið 2007 og opnaði þá fyrsta stað sinn á stöðinni við Rauðavatn. Annar aðili hafði þó rekið Quiznos hér á landi áður en Olís sótti um sérleyfið.

Á heimasíðu Olís segir skyndibitastaðir undir merkjum ReDi Deli hafi fyrst opnað í október síðastliðinn – á stöðvum félagsins í Mjódd, Keflavík og á Akureyri.

Quiznos Sub var stofnað í Denver í Colorado í Bandaríkjunum árið 1981.

Verslun Veitingastaðir Bensín og olía


Mest lesið


Fleiri fréttir

Sjá meira


×

Mest lesið