Erlent

Spænskur fjall­göngu­maður fórst á K2

Hallgerður Kolbrún E. Jónsdóttir skrifar
Fjallagarpurinn Sergi Mingote fórst á leiðinni upp á tind K2.
Fjallagarpurinn Sergi Mingote fórst á leiðinni upp á tind K2. Twitter/Pedro Sanchez

Spænski fjallagarpurinn Sergi Mingote fórst á leiðinni á tind K2, næsthæsta fjalls í heimi. Pedro Sanchez, forsætisráðherra Spánar, tilkynnti þetta á Twitter í dag.

Mingote var á leið frá búðum eitt niður í grunnbúðirnar þegar hann rann um 700 metra niður fjallið og lést. 

Fjögur fjallgöngulið og um sextíu fjallagarpar hafa reynt að komast upp á topp fjallsins í vetur. Það eru fleiri menn enn nokkurn tíma hafa reynt að klífa fjallið í sögunni. Tíu manna hópur fjallagarpa var fyrstur til þess að ná upp á tind fjallsins að vetri til í dag. 

Íslenski fjallagarpurinn John Snorri Guðjónsson freistar þess einnig að ná upp á tindinn, og ætlaði hann að verða fyrstur til. Svo virðist sem það markmið hafi ekki náðst en ekki er vitað hvar John Snorri er staddur um þessar mundir.

Fjallamennska Pakistan Spánn John Snorri á K2

Tengdar fréttir

Varð á undan John Snorra á toppinn

Nepalski fjallgöngumaðurinn Mingma Gyalje kveðst í dag hafa náð tindi K2, næsthæsta fjalls í heimi. Hann og íslenski fjallagarpurinn John Snorri Sigurjónsson ætlaði sér að verða fyrstur, en Gyalje virðist hafa orðið fyrri til.

Keppinautur Johns Snorra nálgast tindinn óðfluga

Nepalski fjallagarpurinn Mingma Gyalje segist hársbreidd frá því að ná tindi K2. Enginn hefur áður klifið tindinn að vetri til. Hinn íslenski John Snorri Guðjónsson freistar þess einnig að ná tindinum um þessar mundir.

Mest lesið


Fleiri fréttir

Sjá meira


×

Mest lesið