Fyrirsætan Gigi Hadid og söngvarinn Zayn Malik eiga á von á sínu fyrsta barni. Hadid hefur ekki birt mikið af nýjum myndum af sér á samfélagsmiðlum síðustu mánuði en í gær birti hún nokkrar fallegar meðgöngumyndir á Instagram.
Myndirnar sem Hadid birti voru allar svarthvítar. Þær voru teknar af ljósmyndateyminu Luigi and Iango, sem eru nánir vinir fyrirsætunnar. Gigi Hadid er í New York þessa dagana og er talið að hún ætli að eignast barnið þar.
