Lögreglan á höfuðborgarsvæðinu var kölluð til í Breiðholti fyrir hádegi í gær vegna líkfundar í skóginum neðan við Hólahverfi. Karlmaður hafði þá gengið fram á lík utandyra en líkið fannst í rjóðri. Talið er að viðkomandi hafi dáið fyrir nokkrum mánuðum síðan en ekki leikur grunur á að um saknæmt athæfi sé að ræða.
Málið er nú í rannsókn hjá miðlægri rannsóknardeild lögreglunnar á höfuðborgarsvæðinu. Þá reynir kennslanefnd nú að bera kennsl á líkið.
