Skýrar reglur sem gilda fyrir alla eru forsenda árangurs Þórir Guðmundsson skrifar 18. ágúst 2020 11:57 Augljóst brot Þórdísar Kolbrúnar Reykfjörð Gylfadóttur ferðamála- iðnaðar og nýsköpunarráðherra á sóttvarnatilmælum yfirvalda á laugardag er miklu alvarlegra mál en virðist í fyrstu. Myndir af valdamanni ganga gegn skýrum brýningum sem hafa komið fram á daglegum upplýsingafundum mánuðum saman skapa óvissu um það hvaða reglur gildi eiginlega og hvort sömu reglur gildi fyrir alla. Viðbrögð ráðherra við gagnrýni er ekki hægt að skilja öðruvísi en svo að hún telji aðrar reglur gilda en fólk hefur hingað til haldið að giltu. Óþarfi er að gera því skóna að hún telji aðrar reglur gilda um sig en aðra en sá grunur hlýtur þó að vakna hjá mörgum þegar borin eru saman orð hennar og gerðir. Það dregur úr samstöðunni sem verður að vera til staðar ef vinna á bug á kórónuveirunni. Sóttvarnir ganga að miklu leyti út á að fá fólk til að breyta hegðan sinni. Og það er ekkert einfalt mál. Oft er verið að reyna að fá fólk til að hætta við hegðun sem er lærð frá blautu barnsbeini; hegðun eins og að faðma ástvini, heilsa kunningjum og halda í hönd þegar eitthvað bjátar á. Jú, og þjappa sér saman í hóp þegar taka á mynd á góðri stund af góðum vinum. Tveggja metra reglan Til þess að ná árangri í sóttvörnum verða skilaboðin að vera skýr og þau verða að eiga við um alla jafnt. Þá skiptir ekki máli hvort um er að ræða baráttu gegn alnæmi, taugaveiki, dengue-sótt, ebólu eða kórónuveiru. Skýr skilaboð sem eiga við alla jafnt er forsenda árangurs. Hér á landi hafa þessi skýru skilaboð kjarnast í tveggja metra reglunni. Íslendingar hafa sannarlega kynnst því á undanförnum sjö mánuðum að það er margt sem ekki má vegna tveggja metra reglunnar. Það má ekki vinna í návígi og því hafa fyrirtæki sent þúsundir manna heim í fjarvinnu. Það má ekki heimsækja aldraða ættingja. Það má ekki halda fermingarveislur. Ungt fólk er að aflýsa brúðkaupum og jarðarfarir fara fram nánast í kyrrþey. Allur almenningur þarf að neita sér um að marka tímamót eins og útskriftir og afmæli, sem koma einu sinni og ekki aftur – allt vegna tveggja metra reglunnar. Þetta gerir fólk af því að yfirvöld segja að það sé lykilatriði við að kveða niður þessa ólukkans veiru. Smitsjúkdómasérfræðingar hafa leitt okkur í gegnum línurit sem sýna hvernig fjöldi þeirra sem sýkjast stígur eða fellur eftir því hvernig almenningur fer eftir sóttvarnareglum. Góðra vina fundur Á föstudag stigu fjórir ráðherrar fram og tilkynntu um hertar reglur á landamærum en minntu almenning jafnframt á mikilvægi þess að viðhafa einstaklingsbundnar sóttvarnir. „En áfram eru persónubundnar og einstaklingsbundnar sóttvarnir langöflugasta tækið til að berja niður þessa veiru, það hefur ekki breyst, og hertar aðgerðir á landamærum koma aldrei í staðinn fyrir það,“ sagði Þórdís Kolbrún við það tilefni. Sólarhring síðar var hún farin að skemmta sér með vinkonum sínum. Af þeim birtust myndir á samfélagsmiðlum sem sýna þær halla sér þétt hver upp að annarri, eins og siður er við svona myndatökur, og sitjandi við matborð þar sem augljóslega er ekkert tveggja metra bil milli fólks. Á sunnudag, þegar almenningur hafði brugðist reiðilega við á samfélagsmiðlum, bætti hún um betur með stöðufærslu á Facebook þar sem skilaboðin virtust vera að hún hefði bara verið að gera eins og allir aðrir. Dagana á eftir mátti skynja meiri hæversku, þá loks að hún gaf kost á viðtölum, en innihaldið var samt það að hún hefði ekki verið að brjóta neinar reglur. Reglurnar eru skýrar Staðreyndin er hinsvegar sú að þorri almennings fer eftir tilmælum yfirvalda. Flestir reyna að halda tveggja metra regluna. Jafnvel á veitingastöðum í miðbænum virðast flestir gestanna vera í pörum en ekki hópum. Tveggja metra reglan er nokkuð skýr: „Hvar sem fólk kemur saman og í allri starfsemi þarf að hafa hafa a.m.k. 2 metra á milli einstaklinga sem ekki deila heimili.” Þetta stendur svart á hvítu á síðu stjórnvalda, covid.is. Þegar lögreglumenn settu spurningamerki fyrr í mánuðinum við það hvort hægt væri að hafa eftirlit með svo ströngum reglum þá var það spurningamerki kveðið niður hratt og örugglega. Víðir Reynisson yfirlögregluþjónn steig ákveðið fram og sagði að reglan væri skýr: „Við höfum ekki verið með neinar sérstakar reglur um heimapartí en þessi tveggja metra regla gildir alls staðar. Líka í heimapartíum. Það er engar undanþágur á henni. Fólk sem býr ekki saman skal virða tveggja metra regluna,“ var haft eftir honum á mbl.is þann 9. þessa mánaðar. Á að gera skýrt óskýrt? Eftir óvissu sem entist í sólarhring var innihald reglnanna aftur skýrt. Þess vegna valda viðbrögð Víðis og Þórólfs Guðnasonar sóttvarnalæknis svo miklum vonbrigðum nú. Aðspurðir á upplýsingafundi í gær gáfu þeir þessi skilaboð: í fyrsta lagi að ráðherra hefði ekki brotið lög því þau giltu bara um rekstraraðila, í öðru lagi að það þyrfti að sýna umburðarlyndi og í þriðja lagi að það þyrfti að breyta reglunum. Er nema von að fólk hristi höfuð í forundran. Hefur þá ekki verið nein þörf á að hætta við stúdentsútskriftir og stórafmælisfögnuði fyrst lögin taka bara á rekstraraðilum? Eru þá skýrar leiðbeiningar á opinberum upplýsingasíðum einskis virði? Þarf að ráðast í að breyta skýrum leiðbeiningum og hugsanlega gera þær óskýrar af því að ráðherra finnst erfitt að fara eftir þeim? Hingað til höfum við farið þetta á samstöðunni. Þó að reglum hafi verið breytt, miðað við aðstæður hverju sinni, þá hafa þær verið tiltölulega skýrar og þær hafa átt við alla jafnt. Ef rýmka á reglurnar þá þarf það að vera af sóttvarnaástæðum líkt og síðastliðið vor. Ef stjórnvöld ætlast til þess að almenningur fari eftir fyrirmælum þá þurfa valdamenn að gera það sjálfir. Ef þeir misstíga sig, eins og allir gera, þá verða þeir að gangast við því. Ekki af því að það sé pólitískt skynsamlegt heldur af því að það er svo mikið í húfi. Áframhaldandi árangur í baráttunni við kórónuveiruna veltur á mörgu en meðal annars því að reglurnar séu skýrar og allir fari eftir þeim. Viltu birta grein á Vísi? Sendu okkur póst. Senda grein Faraldur kórónuveiru (COVID-19) Þórir Guðmundsson Samkomubann á Íslandi Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Hver ætlar að bera ábyrgð á mannslífi? Sævar Þór Jónsson Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Lægjum öldurnar Halla Hrund Logadóttir Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Horfumst í augu Kristín Thoroddsen Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun Er aldur bara tala? Teitur Guðmundsson Skoðun Skoðun Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson skrifar Skoðun Hvernig gerum við Grundarhverfi enn betra? Ævar Harðarson skrifar Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar Skoðun 120km hraði á Keflavíkurveginum og netsölur með áfengi Jón Páll Haraldsson skrifar Sjá meira
Augljóst brot Þórdísar Kolbrúnar Reykfjörð Gylfadóttur ferðamála- iðnaðar og nýsköpunarráðherra á sóttvarnatilmælum yfirvalda á laugardag er miklu alvarlegra mál en virðist í fyrstu. Myndir af valdamanni ganga gegn skýrum brýningum sem hafa komið fram á daglegum upplýsingafundum mánuðum saman skapa óvissu um það hvaða reglur gildi eiginlega og hvort sömu reglur gildi fyrir alla. Viðbrögð ráðherra við gagnrýni er ekki hægt að skilja öðruvísi en svo að hún telji aðrar reglur gilda en fólk hefur hingað til haldið að giltu. Óþarfi er að gera því skóna að hún telji aðrar reglur gilda um sig en aðra en sá grunur hlýtur þó að vakna hjá mörgum þegar borin eru saman orð hennar og gerðir. Það dregur úr samstöðunni sem verður að vera til staðar ef vinna á bug á kórónuveirunni. Sóttvarnir ganga að miklu leyti út á að fá fólk til að breyta hegðan sinni. Og það er ekkert einfalt mál. Oft er verið að reyna að fá fólk til að hætta við hegðun sem er lærð frá blautu barnsbeini; hegðun eins og að faðma ástvini, heilsa kunningjum og halda í hönd þegar eitthvað bjátar á. Jú, og þjappa sér saman í hóp þegar taka á mynd á góðri stund af góðum vinum. Tveggja metra reglan Til þess að ná árangri í sóttvörnum verða skilaboðin að vera skýr og þau verða að eiga við um alla jafnt. Þá skiptir ekki máli hvort um er að ræða baráttu gegn alnæmi, taugaveiki, dengue-sótt, ebólu eða kórónuveiru. Skýr skilaboð sem eiga við alla jafnt er forsenda árangurs. Hér á landi hafa þessi skýru skilaboð kjarnast í tveggja metra reglunni. Íslendingar hafa sannarlega kynnst því á undanförnum sjö mánuðum að það er margt sem ekki má vegna tveggja metra reglunnar. Það má ekki vinna í návígi og því hafa fyrirtæki sent þúsundir manna heim í fjarvinnu. Það má ekki heimsækja aldraða ættingja. Það má ekki halda fermingarveislur. Ungt fólk er að aflýsa brúðkaupum og jarðarfarir fara fram nánast í kyrrþey. Allur almenningur þarf að neita sér um að marka tímamót eins og útskriftir og afmæli, sem koma einu sinni og ekki aftur – allt vegna tveggja metra reglunnar. Þetta gerir fólk af því að yfirvöld segja að það sé lykilatriði við að kveða niður þessa ólukkans veiru. Smitsjúkdómasérfræðingar hafa leitt okkur í gegnum línurit sem sýna hvernig fjöldi þeirra sem sýkjast stígur eða fellur eftir því hvernig almenningur fer eftir sóttvarnareglum. Góðra vina fundur Á föstudag stigu fjórir ráðherrar fram og tilkynntu um hertar reglur á landamærum en minntu almenning jafnframt á mikilvægi þess að viðhafa einstaklingsbundnar sóttvarnir. „En áfram eru persónubundnar og einstaklingsbundnar sóttvarnir langöflugasta tækið til að berja niður þessa veiru, það hefur ekki breyst, og hertar aðgerðir á landamærum koma aldrei í staðinn fyrir það,“ sagði Þórdís Kolbrún við það tilefni. Sólarhring síðar var hún farin að skemmta sér með vinkonum sínum. Af þeim birtust myndir á samfélagsmiðlum sem sýna þær halla sér þétt hver upp að annarri, eins og siður er við svona myndatökur, og sitjandi við matborð þar sem augljóslega er ekkert tveggja metra bil milli fólks. Á sunnudag, þegar almenningur hafði brugðist reiðilega við á samfélagsmiðlum, bætti hún um betur með stöðufærslu á Facebook þar sem skilaboðin virtust vera að hún hefði bara verið að gera eins og allir aðrir. Dagana á eftir mátti skynja meiri hæversku, þá loks að hún gaf kost á viðtölum, en innihaldið var samt það að hún hefði ekki verið að brjóta neinar reglur. Reglurnar eru skýrar Staðreyndin er hinsvegar sú að þorri almennings fer eftir tilmælum yfirvalda. Flestir reyna að halda tveggja metra regluna. Jafnvel á veitingastöðum í miðbænum virðast flestir gestanna vera í pörum en ekki hópum. Tveggja metra reglan er nokkuð skýr: „Hvar sem fólk kemur saman og í allri starfsemi þarf að hafa hafa a.m.k. 2 metra á milli einstaklinga sem ekki deila heimili.” Þetta stendur svart á hvítu á síðu stjórnvalda, covid.is. Þegar lögreglumenn settu spurningamerki fyrr í mánuðinum við það hvort hægt væri að hafa eftirlit með svo ströngum reglum þá var það spurningamerki kveðið niður hratt og örugglega. Víðir Reynisson yfirlögregluþjónn steig ákveðið fram og sagði að reglan væri skýr: „Við höfum ekki verið með neinar sérstakar reglur um heimapartí en þessi tveggja metra regla gildir alls staðar. Líka í heimapartíum. Það er engar undanþágur á henni. Fólk sem býr ekki saman skal virða tveggja metra regluna,“ var haft eftir honum á mbl.is þann 9. þessa mánaðar. Á að gera skýrt óskýrt? Eftir óvissu sem entist í sólarhring var innihald reglnanna aftur skýrt. Þess vegna valda viðbrögð Víðis og Þórólfs Guðnasonar sóttvarnalæknis svo miklum vonbrigðum nú. Aðspurðir á upplýsingafundi í gær gáfu þeir þessi skilaboð: í fyrsta lagi að ráðherra hefði ekki brotið lög því þau giltu bara um rekstraraðila, í öðru lagi að það þyrfti að sýna umburðarlyndi og í þriðja lagi að það þyrfti að breyta reglunum. Er nema von að fólk hristi höfuð í forundran. Hefur þá ekki verið nein þörf á að hætta við stúdentsútskriftir og stórafmælisfögnuði fyrst lögin taka bara á rekstraraðilum? Eru þá skýrar leiðbeiningar á opinberum upplýsingasíðum einskis virði? Þarf að ráðast í að breyta skýrum leiðbeiningum og hugsanlega gera þær óskýrar af því að ráðherra finnst erfitt að fara eftir þeim? Hingað til höfum við farið þetta á samstöðunni. Þó að reglum hafi verið breytt, miðað við aðstæður hverju sinni, þá hafa þær verið tiltölulega skýrar og þær hafa átt við alla jafnt. Ef rýmka á reglurnar þá þarf það að vera af sóttvarnaástæðum líkt og síðastliðið vor. Ef stjórnvöld ætlast til þess að almenningur fari eftir fyrirmælum þá þurfa valdamenn að gera það sjálfir. Ef þeir misstíga sig, eins og allir gera, þá verða þeir að gangast við því. Ekki af því að það sé pólitískt skynsamlegt heldur af því að það er svo mikið í húfi. Áframhaldandi árangur í baráttunni við kórónuveiruna veltur á mörgu en meðal annars því að reglurnar séu skýrar og allir fari eftir þeim.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun