Danielle Rodriguez hefur verið ráðin aðstoðarþjálfari íslenska kvennalandsliðsins í körfubolta.
Hún lék í fjögur ár hér á landi við góðan orðstír en lagði skóna á hilluna í vor. Þá var hún ráðin aðstoðarþjálfari karlaliðs Stjörnunnar.
Meðfram því aðstoðar hún Benedikt Guðmundsson við þjálfun kvennalandsliðsins sem kemur saman til æfinga um helgina. Í fyrra var Danielle aðstoðarþjálfari U-20 ára landsliðs kvenna.
Benedikt valdi nítján leikmenn í æfingahóp íslenska liðsins. Hann má sjá hér fyrir neðan.
Æfingahópur íslenska landsliðsins
- Ásta Júlía Grímsdóttir - Valur/HBU, USA
- Ástrós Lena Ægisdóttir - KR
- Birna Valgerður Benónýsdóttir - Kelavík/Binghamton, USA
- Bríet Sif Hinriksdóttir - Haukar
- Dagbjört Dögg Karlsdóttir - Valur
- Elín Sóley Hrafnkelsdóttir - Valur/University of Tulsa, USA
- Emelía Ósk Gunnarsdóttir - Keflavík
- Eva Margrét Jónsdóttir - Haukar
- Guðbjörg Sverrisdóttir - Valur
- Hallveig Jónsdóttir - Valur
- Hildur Björg Kjartansdóttir - KR
- Isabella Ósk Sigurðardóttir - Breiðablik
- Katla Rún Garðarsdóttir - Keflavík
- Lovísa Björt Henningsdóttir - Haukar
- Margrét Kara Sturludóttir - KR
- Salbjörg Ragna Sævarsdóttir - Keflavík
- Sara Rún Hinriksdóttir - Leicester Riders, England
- Sóllilja Bjarnadóttir - Breiðablik
- Þóra Kristín Jónsdóttir - Haukar
Sigrún Sjöfn Ámundadóttir er meidd, Helena Sverrisdóttir barnshafandi og Sylvía Rún Hálfdanardóttir gaf ekki kost að sér að þessu sinni. Þá eru Þóranna Kika Hodge-Carr, Sigrún Björg Ólafsdóttir og Thelma Dís Ágústsdóttir komnar til Bandaríkjanna þar sem þær leika í háskólaboltanum.
Framundan eru leikir í undankeppni EM kvenna en það kemur í ljós í byrjun september hjá FIBA, Alþjóða körfuknattleikssambandinu, hvort af þeim landsliðsgluggum, sem eru á dagskrá í nóvember og febrúar, verður.
