Birkir Bjarna ferðast um Ísland með kærustunni

Birkir Bjarnason er í fríi á Íslandi í augnablikinu með kærustu sinni, frönsku fyrirsætunni Sophie Gordon. Parið hefur skoðað landið síðustu fimm daga og meðal annars eytt tíma með foreldrum Birkis, Bjarna Sveinbjörnssyni og Höllu Halldórsdóttur.

Sophie hefur birt nokkrar myndir frá Íslandsheimsókninni á Instagram og í Instastory. Þar grínast hún meðal annars með að þau hafi fundið sitt framtíðarheimili hér á landi. Fyrirsætan ferðast mikið um heiminn vegna vinnunnar og sýnir frá því á samfélagsmiðlum. Hún birti fyrst myndir af Birki á samfélagsmiðlum á síðasta ári, en fótboltamaðurinn spilar með Brescia Calcio á Ítalíu. 

Sophie hrósar Birki fyrir ljósmyndahæfileikana og birti myndir sem hann tók af henni í Námaskarði og Norðurþingi. Við eina myndina skrifaði hún Góðan daginn.

Hér fyrir neðan má sjá nokkrar fallegar myndir af parinu frá Instagram.