Lektorinn í far­síma-, heim­sóknar- og fjöl­miðla­banni

Kristján Gunnar Valdimarsson, sem sakaður er um að hafa frelsissvipt þrjár konur og beitt þær kynferðislegu ofbeldi, er í farsíma-, heimsóknar- og fjölmiðlabanni samkvæmt heimildum fréttastofu. Ákvörðun verður tekin um það á morgun hvort farið verði fram á framlengt gæsluvarðhald.

Greint verður frá því hvort það verður gert áður en gæsluvarðhaldið rennur út á morgun en Kristján var látinn laus úr einangrun í gærkvöldi. Þetta segir Karl Steinar Valsson, yfirlögregluþjónn hjá lögreglunni á höfuðborgarsvæðinu í samtali við fréttastofu Vísis.

Ekki hefur verið gefið upp klukkan hvað gæsluvarðhaldið rennur út og vill lögreglan ekki tjá sig meira að svo stöddu.