Í beinni í dag: Valdís Þóra, stórleikur í Safamýrinni og tvíhöfði í Mosfellsbænum

Tólf viðburðir verða í beinni útsendingu á sportrásum Stöðvar 2 í dag. Sýnt verður frá golfi, handbolta og fótbolta.

Valdís Þóra Jónsdóttir keppir á Magical Kenya Ladies Open, lokamóti tímabilsins á Evrópumótaröðinni. Valdís er í 57. sæti á sex höggum yfir pari eftir fyrstu tvo hringina á mótinu.

Einnig verður sýnt beint frá AfrAsia Bank Mauritius Open og Hero World Challenge.

Tveir leikir í Olís-deild kvenna í handbotla verða sýndir beint; toppslagur Fram og Vals og leikur Aftureldingar og Stjörnunnar.

Mosfellingar og Garðbæingar mætast einnig í Olís-deild karla og verður sá leikur líka sýndur beint.

Í hádeginu verður sýnt beint frá grannaslag Huddersfield Town og Leeds United í ensku B-deildinni. Með sigri kemst Leeds á topp deildarinnar.

Real Madrid og Barcelona, tvö efstu lið spænsku úrvalsdeildarinnar, verða bæði í eldlínunni. Real Madrid tekur á móti Espanyol og Barcelona fær Mallorca í heimsókn. Leikur Granada og Alavés verður einnig sýndur.

Í kvöld er stórleikur Lazio og Juventus á dagskrá. Þarna mætast liðin í 2. og 3. sæti ítölsku úrvalsdeildarinnar. Leikur Udinese og Napoli verður sömuleiðis sýndur.

Allar upplýsingar um beinar útsendingar og dagskrá sportrása Stöðvar 2 má sjá hér.

Beinar útsendingar í dag:

07:30 AfrAsia Bank Mauritius Open, Stöð 2 Golf

11:30 Magical Kenya Ladies Open, Stöð 2 Sport 4

11:55 Real Madrid - Espanyol, Stöð 2 Sport 2

12:25 Huddersfield - Leeds, Stöð 2 Sport

13:50 Fram - Valur, Stöð 2 Sport 3

14:55 Granada - Alavés, Stöð 2 Sport 2

15:00 Hero World Challenge, Stöð 2 Golf

15:50 Afturelding - Stjarnan, Stöð 2 Sport

16:55 Udinese - Napoli, Stöð 2 Sport 2

17:50 Afturelding - Stjarnan, Stöð 2 Sport

19:40 Lazio - Juventus, Stöð 2 Sport 2

19:55 Barcelona - Mallorca, Stöð 2 Sport