Jafnar árangur Federer og Djokovic

Sinner vann Daniil Medvedev í úrslitaleik mótsins í gær 7-6 (8-6) 7-6 (7-4) eftir tveggja tíma leik í steikjandi hita í Kaliforníusólinni. Hann varð með sigrinum yngsti tennismaðurinn til að vinna alla tennistitla á hörðum völlum.

Áður hafði Sinner unnið bæði risamótin á hörðu undirlagi; Opna ástralska 2024 og 2025 og Opna bandaríska 2024. Þá hefur hann unnið alla sex Masters 1.000 titlana sem í boði eru á hörðum velli.

Aðeins Novak Djokovic og Roger Federer hafa gert slíkt hið sama og segist Sinner stoltur að komast í þann hóp.

Sinner mistókst að verja titilinn á Opna ástralska annað árið í röð þegar hann féll út fyrir Djokovic í undanúrslitum. Spánverjinn Carlos Alcaraz fagnaði sigri á mótinu eftir sigur á Djokovic í úrslitum.