Erna Gísladóttir, stjórnarformaður Haga, keypti í dag 6 milljón hluti í fyrirtækinu, í gegnum félag sitt Egg ehf. Hún greiddi 42,3 krónur fyrir hlutinn og var heildarverðmæti viðskiptanna því 253,8, milljónir króna. Áður átti hún ekkert í Högum. Greint er frá viðskiptum Erna í tilkynningu til Kauphallarinnar, enda um viðskipti fjárhagslega tengds aðila að ræða.
Auk þess að gegna stjórnarformennsku í Högum er Erna forstjóri og eigandi bílaumboðsins BL. ehf. Hún tók fyrst við forstjórasæti bílaumboðsins árið 1991 og gegndi því til 2007 þegar fjölskylda hennar seldi fyrirtækið. Árið 2010 tók Erna fyrst sæti í stjórn Haga og ári síðar sneri hún aftur og keypti BL.
Sjá einnig: Ótrúleg lífsreynsla að ferðast til Mjanmar
Félagið Egg á Erna til helmings á móti Jóni Þóri Gunnarssyni, eiginmanni sínum. Félagið heldur utan um eignarhlut þeirra hjóna í Umbreytingu slhf, Sjóvá og Egg fasteignir ehf. Síðastnefnda félagið er eigandi þriggja fasteigna: að Hesthálsi 6-8 auk Sævarhöfða 2 og 2a.
Bréf í Högum hækkuðu um 3,3 prósent í Kauphöllinni í dag í 707 milljóna króna viðskiptum. Alls hafa bréfin hækkað um tæplega 9 prósent undanfarinn mánuð eftir lækkanir síðustu missera. Dagurinn í Kauphöllinni var annars nokkuð líflegur og hækkaði úrvalsvísitalan um tæp 2 prósent.
Erna veðjar 250 milljónum á Haga
Tengdar fréttir
BL hagnast um 1,4 milljarða
Bílaumboðið BL hagnaðist um 1.378 milljónir króna í fyrra, samkvæmt nýjum ársreikningi félagsins.
Erna Gísladóttir hlaut FKA viðurkenninguna 2018
Félag kvenna í atvinnulífinu, FKA, heiðraði í dag Ernu Gísladóttur, Hildi Petersen og Söndru Mjöll Jónsdóttur Buch fyrir eftirtektarverð störf þeirra í atvinnulífinu á árlegri hátíð sinni, sem haldin var í Gamla bíói.
Svipmynd Markaðarins: Ótrúleg lífsreynsla að ferðast til Mjanmar
Erna Gísladóttir, forstjóri BL, tók fyrst við forstjórasæti bílaumboðsins árið 1991 og gegndi því til 2007 þegar fjölskylda hennar seldi fyrirtækið.
