Stjóri veðurstofnunar sem Sigmundur vitnaði í segir orð sín afbökuð Kjartan Kjartansson skrifar 12. september 2019 16:30 Sigmundur Davíð minntist ekki á Petteri Taalas, yfirmann WMO, með nafni en virðist hafa vitnað til umfjöllunar um viðtal við hann í Finnlandi. Taalas segir ummælin sín þar hafa verið afbökuð. Vísir/EPA Yfirmaður Alþjóðaveðurfræðistofnunarinnar (WMO) sendi frá sér yfirlýsingu í dag þar sem hann segir fjölmiðla hafa afbakað ummæli sín í nýlegu viðtali. Sigmundur Davíð Gunnlaugsson, formaður Miðflokksins, virtist vísa til afbakaðrar umfjöllunar um ummælin í umræðu um stefnuræðu forsætisráðherra á Alþingi í gær. Í ræðu sinni fullyrti Sigmundur Davíð að Alþjóðaveðurfræðistofnunin hefði „varað nýverið við ofstæki í loftslagsmálum“ þegar hann gagnrýndi forsætisráðherra fyrir nálgun sína á þau. Náttúruverndarsamtök Íslands sendu frá sér athugasemd í morgun vegna þeirra umæla þar sem þau sökuðu Sigmund Davíð um að vitna til þekktra breskra „loftslagssvindlara“, samtaka sem afneiti vísindalegri þekkingu á loftslagsbreytingum. Sigmundur Davíð hafnaði því í færslu sem hann skrifaði á Facebook að hann hafi vitnað í bresku samtökin. Sagðist hann hafa upplýsingarnar frá Sameinuðu þjóðunum. Ekki náðist í Sigmund Davíð við vinnslu fréttarinnar. Jón Pétursson, aðstoðarmaður hans, sagðist ekki geta tjáð sig um ummæli Sigmundar Davíðs um Alþjóðaveðurfræðistofnunina eða yfirlýsingu yfirmanns hennar um að orð hans hafi verið mistúlkuð, þar sem hann hefði ekki séð þau. Gat hann ekki svarað því hvort Sigmundur Davíð gæfi kost á viðtali um málið í dag.Svo virðist sem heimild Sigmundar Davíð fyrir að Alþjóðaveðurfræðistofnunin varaði við ofstæki í loftslagsmálum hafi verið endursögn vefsíðunnar Viljans á grein í bandarískum miðli sem er full af rangfærslum um loftslagsvísindi.SkjáskotViðtal í Finnlandi afbakað á vef vafasams dagblaðs Svo virðist þó sem að Sigmundur Davíð hafi með ummælum sínum um Alþjóðaveðurfræðistofnunina vísað til endursagnar vefsíðunnar Viljans á grein bandaríska blaðsins Epoch Times á mánudag. Hún fjallaði um ummæli Petteri Taalas, yfirmanns WMO undir þeim formerkjum að hann hafi „skammað loftslagshrakspámenn“ í viðtali við finnska blaðið Talouselämä sem birtist í síðustu viku. Viðtalið er aðeins aðgengilegt á finnsku. Sigmundur Davíð hlekkjaði á færslu Viljans í Facebook-færslu sinni í dag. Grein Epoch Times sem Viljinn byggir á er full af rangfærslum um loftslagsmál. Blaðið hefur í gegnum tíðina jafnframt verið sakað um að dreifa ýmis konar samsæriskenningum. Enginn er skrifaður fyrir endursögn Viljans á greininni heldur er hún merkt „ritstjórn“. Björn Ingi Hrafnsson, sem vildi sameina stjórnmálaframboð sitt Miðflokki Sigmundar Davíðs árið 2017, er skráður ritstjóri vefsíðunnar. Í yfirlýsingu sem birtist á vefsíðu WMO í dag segir Taalas sjálfur að umfjallanir fjölmiðla um að hann eigi að hafa efast um áherslu heimsbyggðarinnar á róttækar loftslagsaðgerðir í viðtali í heimalandinu hafi byggst á valkvæðri túlkun á ummælunum og afstöðu hans til magra ára. Hann nefndi Epoch Times ekki sérstaklega en blaðið er eitt fárra miðla sem höfðu fjallað um finnska viðtalið. Taalas segist hafa lagt áherslu á að loftslagsaðgerðir þurfi að hvíla á grunni vísinda í viðtalinu. Þau sýni að loftslag jarðar sé að breytast og að menn eigi stóra sök á því. „Aftur á móti benti ég að grafið er undan vísindalegri nálgun þegar staðreyndir eru teknar úr samhengi til að réttlæta öfgakenndar aðgerðir í nafni loftslagsaðgerða,“ segir í yfirlýsingu Taalas. Áréttaði Taalas að áskoranirnar við að ná tökum á loftslagsbreytingum væru gríðarlegar og brýnt væri að draga úr losun gróðurhúsalofttegunda. „Í viðtalinu undirstrikaði ég hins vegar að við megum ekki verða örvæntingu að bráð í ljósi þess að skynsamlegar, sáttamiðaðar lausnir standa alþjóðasamfélaginu, ríkisstjórnum og félagasamtökum til boða,“ segir Taalas. Lesa má yfirlýsingu hans á íslensku á vefsíðu upplýsingaskrifstofu Sameinuðu þjóðanna fyrir Vestur-Evrópu hér.Sigmundur Davíð gagnrýndi forsætisráðherra vegna loftslagsmála eftir stefnuræðu hans í gærkvöldi.Vísir/vilhelmTelur Sigmund draga sömu ályktanir og öfgamenn Spurður út í yfirlýsingu Náttúruverndarsamtakanna í morgun segir Árni Finnsson, framkvæmdastjóri þeirra, að hann hafi aðeins séð umfjöllun um viðtali við Taalas hjá bresku Global Warming Policy Forum sem séu þekkt fyrir afneitun á loftslagsvísindum og síðar Epoch Times. Hann hafi því ályktað að Sigmundur Davíð hefði haft upplýsingar sínar frá bresku samtökunum. Í ljósi þess að Sigmundur Davíð hafnar því að kannast við bresku samtökin segir Árni að hann dragi í það minnsta sömu ályktanir af viðtalinu við Taalas og öfgamenn sem afneita loftslagsbreytingum. Sigmundur Davíð sakaði Katrínu Jakobsdóttur, forsætisráðherra, jafnframt um að fara með rangt mál um að fellibyljir séu orðnir tíðari og öflugri en áður í ræðu sinni á þingi í gær. Fullyrti miðflokksmaðurinn að tjón af völdum þeirra væri aðeins meira nú þar sem byggð væri orðin meiri á svæðum þar sem fellibylir eru algengastir. Á vefsíðu WMO kemur fram að þó að loftslagslíkön bendi til þess að hitabeltislægðum og fellibyljum gæti fækkað á heimsvísu gæti styrkur þeirra aukist. Hlutfall fellibylja sem ná fjórða og fimmta stigi aukist líklega vegna hlýnunar af völdum manna. Minni vissa ríki um þróun í fjölda öflugustu fellibyljanna. Varað er við að aukinn úrkomuákafi og hærri sjávarstaða vegna hlýnunar eigi eftir að ágera áhrif fellibylja í framtíðinni. Í Facebook-færslu sinni í dag talaði Sigmundur Davíð sjálfur um að hann hefði sagt það rangt að „hvirfilbyljir“ væru orðnir stærri og fleiri en áður. Virðist hann þar hafa átt við fellibyli. Vitnaði Sigmundur Davíð einnig í Björn Lomborg sem eina heimild sína um loftslagsmál og lýsti honum sem „mikils metnum víða um heim“. Lomborg er danskur stjórnmálafræðingur sem er þekktur fyrir að gera lítið úr mikilvægi loftslagsaðgerða, oft með því að vísa í misvísandi tölfræði og túlkun á opinberum skýrslum. Lomborg hefur enga þjálfun í loftslagsvísindum og hefur ekki birt neinar ritrýndar greinar um þau. „Það er hneisa að formaður Miðflokksins líti á Lomborg sem vísindamann í loftslagsmálum,“ segir Árni frá Náttúruverndarsamtökum Íslands. Alþingi Loftslagsmál Miðflokkurinn Mest lesið Gefur sig fram fimmtíu árum eftir bankarán í Kópavogi Innlent Gufunesmálið: „Þetta átti aldrei að fara svona“ Innlent Simmi lýsir áralöngu umsáturseinelti: Sat um hann í bílakjallara Innlent Íslendingur grunaður um heimilisofbeldi handtekinn í Grikklandi Innlent Sálfræðingar rukka hátt í 26 þúsund krónur Innlent Styttan tekin niður eftir harðar deilur um klúran barm Erlent Alvarlegt vinnuslys í Skagafirði Innlent Þungar áhyggjur af „síversnandi stöðu Íslands“ Innlent Neitar að hitta Pútín án Selenskís Erlent Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Innlent Fleiri fréttir Skjálfti fannst á höfuðborgarsvæðinu Tapsárir Danir lentu í skærum við lögreglu: Piparúða beitt, ferðaklósetti velt og fimm milljón króna tjón Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Engin málaferli vegna slyss á Breiðamerkurjökli Tveir skjálftar um 3,3 að stærð Fundur hafinn í utanríkismálanefnd Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Ráðin nýr forstöðumaður Háskólaseturs Vestfjarða Íslendingur grunaður um heimilisofbeldi handtekinn í Grikklandi „Norska leiðin“ sé leið Sjálfstæðisflokksins Eigandi bíls fullur af bensínbrúsum handtekinn Tollarnir tilefni til hvorra tveggja örvæntingar og léttis Simmi lýsir áralöngu umsáturseinelti: Sat um hann í bílakjallara Tveir fluttir með þyrlunni og fjórir með sjúkrabíl Sjá meira
Yfirmaður Alþjóðaveðurfræðistofnunarinnar (WMO) sendi frá sér yfirlýsingu í dag þar sem hann segir fjölmiðla hafa afbakað ummæli sín í nýlegu viðtali. Sigmundur Davíð Gunnlaugsson, formaður Miðflokksins, virtist vísa til afbakaðrar umfjöllunar um ummælin í umræðu um stefnuræðu forsætisráðherra á Alþingi í gær. Í ræðu sinni fullyrti Sigmundur Davíð að Alþjóðaveðurfræðistofnunin hefði „varað nýverið við ofstæki í loftslagsmálum“ þegar hann gagnrýndi forsætisráðherra fyrir nálgun sína á þau. Náttúruverndarsamtök Íslands sendu frá sér athugasemd í morgun vegna þeirra umæla þar sem þau sökuðu Sigmund Davíð um að vitna til þekktra breskra „loftslagssvindlara“, samtaka sem afneiti vísindalegri þekkingu á loftslagsbreytingum. Sigmundur Davíð hafnaði því í færslu sem hann skrifaði á Facebook að hann hafi vitnað í bresku samtökin. Sagðist hann hafa upplýsingarnar frá Sameinuðu þjóðunum. Ekki náðist í Sigmund Davíð við vinnslu fréttarinnar. Jón Pétursson, aðstoðarmaður hans, sagðist ekki geta tjáð sig um ummæli Sigmundar Davíðs um Alþjóðaveðurfræðistofnunina eða yfirlýsingu yfirmanns hennar um að orð hans hafi verið mistúlkuð, þar sem hann hefði ekki séð þau. Gat hann ekki svarað því hvort Sigmundur Davíð gæfi kost á viðtali um málið í dag.Svo virðist sem heimild Sigmundar Davíð fyrir að Alþjóðaveðurfræðistofnunin varaði við ofstæki í loftslagsmálum hafi verið endursögn vefsíðunnar Viljans á grein í bandarískum miðli sem er full af rangfærslum um loftslagsvísindi.SkjáskotViðtal í Finnlandi afbakað á vef vafasams dagblaðs Svo virðist þó sem að Sigmundur Davíð hafi með ummælum sínum um Alþjóðaveðurfræðistofnunina vísað til endursagnar vefsíðunnar Viljans á grein bandaríska blaðsins Epoch Times á mánudag. Hún fjallaði um ummæli Petteri Taalas, yfirmanns WMO undir þeim formerkjum að hann hafi „skammað loftslagshrakspámenn“ í viðtali við finnska blaðið Talouselämä sem birtist í síðustu viku. Viðtalið er aðeins aðgengilegt á finnsku. Sigmundur Davíð hlekkjaði á færslu Viljans í Facebook-færslu sinni í dag. Grein Epoch Times sem Viljinn byggir á er full af rangfærslum um loftslagsmál. Blaðið hefur í gegnum tíðina jafnframt verið sakað um að dreifa ýmis konar samsæriskenningum. Enginn er skrifaður fyrir endursögn Viljans á greininni heldur er hún merkt „ritstjórn“. Björn Ingi Hrafnsson, sem vildi sameina stjórnmálaframboð sitt Miðflokki Sigmundar Davíðs árið 2017, er skráður ritstjóri vefsíðunnar. Í yfirlýsingu sem birtist á vefsíðu WMO í dag segir Taalas sjálfur að umfjallanir fjölmiðla um að hann eigi að hafa efast um áherslu heimsbyggðarinnar á róttækar loftslagsaðgerðir í viðtali í heimalandinu hafi byggst á valkvæðri túlkun á ummælunum og afstöðu hans til magra ára. Hann nefndi Epoch Times ekki sérstaklega en blaðið er eitt fárra miðla sem höfðu fjallað um finnska viðtalið. Taalas segist hafa lagt áherslu á að loftslagsaðgerðir þurfi að hvíla á grunni vísinda í viðtalinu. Þau sýni að loftslag jarðar sé að breytast og að menn eigi stóra sök á því. „Aftur á móti benti ég að grafið er undan vísindalegri nálgun þegar staðreyndir eru teknar úr samhengi til að réttlæta öfgakenndar aðgerðir í nafni loftslagsaðgerða,“ segir í yfirlýsingu Taalas. Áréttaði Taalas að áskoranirnar við að ná tökum á loftslagsbreytingum væru gríðarlegar og brýnt væri að draga úr losun gróðurhúsalofttegunda. „Í viðtalinu undirstrikaði ég hins vegar að við megum ekki verða örvæntingu að bráð í ljósi þess að skynsamlegar, sáttamiðaðar lausnir standa alþjóðasamfélaginu, ríkisstjórnum og félagasamtökum til boða,“ segir Taalas. Lesa má yfirlýsingu hans á íslensku á vefsíðu upplýsingaskrifstofu Sameinuðu þjóðanna fyrir Vestur-Evrópu hér.Sigmundur Davíð gagnrýndi forsætisráðherra vegna loftslagsmála eftir stefnuræðu hans í gærkvöldi.Vísir/vilhelmTelur Sigmund draga sömu ályktanir og öfgamenn Spurður út í yfirlýsingu Náttúruverndarsamtakanna í morgun segir Árni Finnsson, framkvæmdastjóri þeirra, að hann hafi aðeins séð umfjöllun um viðtali við Taalas hjá bresku Global Warming Policy Forum sem séu þekkt fyrir afneitun á loftslagsvísindum og síðar Epoch Times. Hann hafi því ályktað að Sigmundur Davíð hefði haft upplýsingar sínar frá bresku samtökunum. Í ljósi þess að Sigmundur Davíð hafnar því að kannast við bresku samtökin segir Árni að hann dragi í það minnsta sömu ályktanir af viðtalinu við Taalas og öfgamenn sem afneita loftslagsbreytingum. Sigmundur Davíð sakaði Katrínu Jakobsdóttur, forsætisráðherra, jafnframt um að fara með rangt mál um að fellibyljir séu orðnir tíðari og öflugri en áður í ræðu sinni á þingi í gær. Fullyrti miðflokksmaðurinn að tjón af völdum þeirra væri aðeins meira nú þar sem byggð væri orðin meiri á svæðum þar sem fellibylir eru algengastir. Á vefsíðu WMO kemur fram að þó að loftslagslíkön bendi til þess að hitabeltislægðum og fellibyljum gæti fækkað á heimsvísu gæti styrkur þeirra aukist. Hlutfall fellibylja sem ná fjórða og fimmta stigi aukist líklega vegna hlýnunar af völdum manna. Minni vissa ríki um þróun í fjölda öflugustu fellibyljanna. Varað er við að aukinn úrkomuákafi og hærri sjávarstaða vegna hlýnunar eigi eftir að ágera áhrif fellibylja í framtíðinni. Í Facebook-færslu sinni í dag talaði Sigmundur Davíð sjálfur um að hann hefði sagt það rangt að „hvirfilbyljir“ væru orðnir stærri og fleiri en áður. Virðist hann þar hafa átt við fellibyli. Vitnaði Sigmundur Davíð einnig í Björn Lomborg sem eina heimild sína um loftslagsmál og lýsti honum sem „mikils metnum víða um heim“. Lomborg er danskur stjórnmálafræðingur sem er þekktur fyrir að gera lítið úr mikilvægi loftslagsaðgerða, oft með því að vísa í misvísandi tölfræði og túlkun á opinberum skýrslum. Lomborg hefur enga þjálfun í loftslagsvísindum og hefur ekki birt neinar ritrýndar greinar um þau. „Það er hneisa að formaður Miðflokksins líti á Lomborg sem vísindamann í loftslagsmálum,“ segir Árni frá Náttúruverndarsamtökum Íslands.
Alþingi Loftslagsmál Miðflokkurinn Mest lesið Gefur sig fram fimmtíu árum eftir bankarán í Kópavogi Innlent Gufunesmálið: „Þetta átti aldrei að fara svona“ Innlent Simmi lýsir áralöngu umsáturseinelti: Sat um hann í bílakjallara Innlent Íslendingur grunaður um heimilisofbeldi handtekinn í Grikklandi Innlent Sálfræðingar rukka hátt í 26 þúsund krónur Innlent Styttan tekin niður eftir harðar deilur um klúran barm Erlent Alvarlegt vinnuslys í Skagafirði Innlent Þungar áhyggjur af „síversnandi stöðu Íslands“ Innlent Neitar að hitta Pútín án Selenskís Erlent Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Innlent Fleiri fréttir Skjálfti fannst á höfuðborgarsvæðinu Tapsárir Danir lentu í skærum við lögreglu: Piparúða beitt, ferðaklósetti velt og fimm milljón króna tjón Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Engin málaferli vegna slyss á Breiðamerkurjökli Tveir skjálftar um 3,3 að stærð Fundur hafinn í utanríkismálanefnd Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Ráðin nýr forstöðumaður Háskólaseturs Vestfjarða Íslendingur grunaður um heimilisofbeldi handtekinn í Grikklandi „Norska leiðin“ sé leið Sjálfstæðisflokksins Eigandi bíls fullur af bensínbrúsum handtekinn Tollarnir tilefni til hvorra tveggja örvæntingar og léttis Simmi lýsir áralöngu umsáturseinelti: Sat um hann í bílakjallara Tveir fluttir með þyrlunni og fjórir með sjúkrabíl Sjá meira
Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Innlent
Tapsárir Danir lentu í skærum við lögreglu: Piparúða beitt, ferðaklósetti velt og fimm milljón króna tjón
Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Innlent