Líkams­á­rás og sofandi maður í stiga­gangi meðal verk­efna lög­reglu

Tilkynnt var um líkamsárás í Austurstræti á tíunda tímanum í gær. Ekki er vitað um meiðsli en fram kemur í dagbók lögreglu að samkvæmt upplýsingum hennar hafi tveir menn þar ráðist á einn. Árásarmennirnir voru farnir af vettvangi þegar lögregla kom á staðinn en vitað er hverjir árásarmennirnir eru og er málið nú til rannsóknar.

Maður í annarlegu ástandi handtekinn grunaður um þjófnað úr verslun við Laugarveg á sjötta tímanum í gær. Maðurinn var vistaður sökum ástands í fangageymslum lögreglu.

Einnig greinir lögregla frá því að maður sem var ofurölvi hafi verið handtekinn í Hafnarfirði stuttu fyrir miðnætti í gær þar sem tilkynning barst um hann hafi fundist sofandi á stigagangi í fjölbýlishúsi eftir að hafa ollið ónæði þar nærri.

Sömuleiðis voru nokkrir stöðvaðir grunaðir um akstur undir áhrifum áfengis og fíkniefna.