Verkfræðistofan Efla hagnaðist um 328 milljónir á síðasta ári samanborið við 418 milljónir á árinu 2017. Þetta kemur fram í nýbirtum ársreikningi fyrirtækisins.
Tekjur Eflu námu tæplega 6,9 milljörðum króna og jukust um 3 prósent á milli ára. Rekstrargjöld námu hins vegar 6,5 milljörðum króna og jukust um 6 prósent.
EBITDA félagsins – afkoma fyrir fjármagnsliði, skatta og afskriftir – var um 402 milljónir króna árið 2018 borið saman við 553 milljónir árið 2016.
Samkvæmt efnahagsreikningi nema eignir félagsins 2,7 milljörðum króna og bókfært eigið fé var í árslok 1,5 milljarðar. Stjórn félagsins leggur til að greiddur verði arður að upphæð 250 milljónir króna á þessu ári til hluthafa sem voru 137 talsins í lok síðasta árs.
Efla hagnast um 328 milljónir
