Velta vefverslunar Advania tvöfaldaðist Helgi Vífill Júlíusson skrifar 19. desember 2018 08:30 Ægir Már Þórisson, forstjóri Advania á Íslandi Velta vefverslunar Advania á Íslandi hefur aukist um 82 prósent frá því að verslun fyrirtækisins í Guðrúnartúni var lokað fyrir rúmi ári. Að sama skapi hefur framlegð af sölu tvöfaldast. Þetta segir Ægir Már Þórisson, forstjóri Advania á Íslandi, í samtali við Markaðinn. Hann segir að hann líti ekki svo á að versluninni hafi verið lokað heldur að hún hafi verið færð inn í stafræna heima. Ægir Már segir að ákvörðunin hafi verið tekin í ljósi þess að Advania staðsetji sig á markaði með þeim hætti að fyrirtækið sinni fyrst og fremst öðrum fyrirtækjum og stofnunum. Margir viðskiptavinir heimsæki fyrirtækið og því hafi verið auðvelt að stilla upp vörum til sýnis í þeirri von að af kaupum yrði. „Verslunin fékk því ekki þá athygli sem þarf til að skara fram úr.“ Við upphaf árs hafi margir haft efasemdir, segir hann, um rekstur vefverslana hérlendis. Vegalengdir séu stuttar. Íslendingar fari því frekar út í verslanir.Töldu netverslun eiga mikið inni Hann segir að starfsmenn fyrirtækisins hafi talið að netverslun ætti mikið inni. Landsmenn nýti vefverslun í minni mæli en margar aðrar þjóðir. „Þangað er margt að sækja. Íslendingar eru ekki frábrugðnir öðrum í heiminum. Við kjósum þægindi og öryggi umfram annað,“ segir hann. Fram kom í Markaðnum fyrir viku að á undanförnum tólf mánuðum hafi 55 prósent Íslendinga verslað á netinu, samkvæmt könnun Zenter rannsókna. Til samanburðar versluðu þrír af hverjum fjórum Norðmönnum á netinu á síðasta ári. Spurður hvort þetta hafi verið erfið ákvörðun innanhúss segir hann svo ekki vera. „Í rauninni var þetta ekki erfið ákvörðun. Rökin hnigu öll í sömu átt.“ „Hugmyndin var að reka vefverslun sem við myndum sinna af krafti,“ segir Ægir Már. „Mistökin sem stundum eru gerð, er að vefversluninni er ekki sinnt eftir að hún er komin í loftið. Þótt verslunin sé veflæg þarf að hafa verslunarstjóra og sinna öllum hefðbundnum verslunarstörfum öðrum en að afgreiða yfir búðarborð,“ segir Ægir Már. Advania lagði í mikla undirbúningsvinnu áður en vefversluninni var hleypt af stokkunum. „Við nutum góðs að því að veita sjálf ráðgjöf og þjónustu á þessu sviði og vorum því vel í stakk búin til að innleiða bestu lausnirnar,“ segir hann.Keppa við Amazon Hann bendir á að nú keppi fyrirtækið við Amazon og önnur erlend fyrirtæki. Í þeirri samkeppni skipti neytendavernd máli. „Fólk vill hafa ábyrgðarskilmála á hreinu gagnvart einhverjum sem auðvelt er að ná í. Annað sem skiptir máli er hve fljótt varan kemur til landsins. Við erum frekar óþolinmóð þjóð og viljum helst fá vöruna samstundis. Íslensk vefverslun keppir á þeim grunni. Auk þess er sendingarkostnaður hingað tiltölulega hár. Þótt varan sé ódýrari á erlendri vefsíðu þarf að gera ráð fyrir sendingarkostnaði en það er ókeypis hjá okkur. En til þess að keppa við Amazon þarf vefverslunin að vera góð og standast samanburð. Það er nefnilega himinn og haf á milli góðrar og lélegrar vefverslunar. Góð vefverslun leiðir viðskiptavini í gegnum ferlið og gefur kost á að bera saman vörur. Þetta verður að vera einfalt.“Gerbreyttu vinnulagi Til að Advania á Íslandi gæti náð téðum árangri í vefversluninni varð að gerbreyta vinnulagi. „Við þurftum að hugsa þjónustu í kringum vefverslunina upp á nýtt, hafa sendingartíma varanna mjög skamman, ekkert sendingargjald og sjá til þess að allir viðskiptavinir gætu fengið þjónustu í vefspjalli um leið og þeir óskuðu eftir henni. Það þurfti að sjá til þess að vörulýsingar væru í lagi og að viðskiptavinurinn gæti borið saman eiginleika og verð á vörum með einföldum hætti. Allt sölu- og markaðsstarf varð starfrænt, mælanlegt og rekjanlegt. Á móti kom að við jukum ráðgjöf til fyrirtækja og settum hluta af söluteyminu í að kynna vefverslunina fyrir viðskiptavinum okkar. Fyrirtækin sem versla við Advania geta nú skráð sig inn á sínar síður í vefversluninni, skoðað gamlar pantanir og viðskiptasögu, og gert ný kaup sem byggja á henni. Með þessari ákvörðun gátum við margfaldað vöruúrval okkar. Nú eru um tvö þúsund vörutegundir í vefverslun okkar sem aldrei hefðu rúmast í verslunarrýminu okkar,“ segir Ægir Már. Birtist í Fréttablaðinu Mest lesið Keypti hús við Sóleyjargötu af borginni á 310 milljónir Viðskipti innlent Boða tæp 10% þjóðarinnar á hluthafafund Viðskipti innlent Meðallaun 758 þúsund á mánuði Viðskipti innlent Minni þorskafli kosti fleiri milljarða Viðskipti innlent 134 sagt upp í þremur hópuppsögnum Viðskipti innlent Átök auðkýfinganna: „Ekki farið fram hjá neinum að á milli okkar hefur andað köldu“ Viðskipti innlent 118 ára sögu Hans Petersen að ljúka Viðskipti innlent Löng röð myndaðist í Lágmúlanum á miðnætti Viðskipti innlent Fjórar týpur af yfirmönnum sem eru sjálfir að drukkna í vinnu Atvinnulíf Saka hagfræðing SFF um að reyna að draga úr samkeppni í tryggingum Viðskipti innlent Fleiri fréttir 118 ára sögu Hans Petersen að ljúka Boða tæp 10% þjóðarinnar á hluthafafund Miðeind festir kaup á Snöru Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Reon ræður inn hönnunarstjóra frá Spotify Kjarasamningar Play og ÍFF í höfn Greiddu 865 milljónir fyrir Herkastalann Löng röð myndaðist í Lágmúlanum á miðnætti Hrefna stýrir Attentus SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Sjá meira
Velta vefverslunar Advania á Íslandi hefur aukist um 82 prósent frá því að verslun fyrirtækisins í Guðrúnartúni var lokað fyrir rúmi ári. Að sama skapi hefur framlegð af sölu tvöfaldast. Þetta segir Ægir Már Þórisson, forstjóri Advania á Íslandi, í samtali við Markaðinn. Hann segir að hann líti ekki svo á að versluninni hafi verið lokað heldur að hún hafi verið færð inn í stafræna heima. Ægir Már segir að ákvörðunin hafi verið tekin í ljósi þess að Advania staðsetji sig á markaði með þeim hætti að fyrirtækið sinni fyrst og fremst öðrum fyrirtækjum og stofnunum. Margir viðskiptavinir heimsæki fyrirtækið og því hafi verið auðvelt að stilla upp vörum til sýnis í þeirri von að af kaupum yrði. „Verslunin fékk því ekki þá athygli sem þarf til að skara fram úr.“ Við upphaf árs hafi margir haft efasemdir, segir hann, um rekstur vefverslana hérlendis. Vegalengdir séu stuttar. Íslendingar fari því frekar út í verslanir.Töldu netverslun eiga mikið inni Hann segir að starfsmenn fyrirtækisins hafi talið að netverslun ætti mikið inni. Landsmenn nýti vefverslun í minni mæli en margar aðrar þjóðir. „Þangað er margt að sækja. Íslendingar eru ekki frábrugðnir öðrum í heiminum. Við kjósum þægindi og öryggi umfram annað,“ segir hann. Fram kom í Markaðnum fyrir viku að á undanförnum tólf mánuðum hafi 55 prósent Íslendinga verslað á netinu, samkvæmt könnun Zenter rannsókna. Til samanburðar versluðu þrír af hverjum fjórum Norðmönnum á netinu á síðasta ári. Spurður hvort þetta hafi verið erfið ákvörðun innanhúss segir hann svo ekki vera. „Í rauninni var þetta ekki erfið ákvörðun. Rökin hnigu öll í sömu átt.“ „Hugmyndin var að reka vefverslun sem við myndum sinna af krafti,“ segir Ægir Már. „Mistökin sem stundum eru gerð, er að vefversluninni er ekki sinnt eftir að hún er komin í loftið. Þótt verslunin sé veflæg þarf að hafa verslunarstjóra og sinna öllum hefðbundnum verslunarstörfum öðrum en að afgreiða yfir búðarborð,“ segir Ægir Már. Advania lagði í mikla undirbúningsvinnu áður en vefversluninni var hleypt af stokkunum. „Við nutum góðs að því að veita sjálf ráðgjöf og þjónustu á þessu sviði og vorum því vel í stakk búin til að innleiða bestu lausnirnar,“ segir hann.Keppa við Amazon Hann bendir á að nú keppi fyrirtækið við Amazon og önnur erlend fyrirtæki. Í þeirri samkeppni skipti neytendavernd máli. „Fólk vill hafa ábyrgðarskilmála á hreinu gagnvart einhverjum sem auðvelt er að ná í. Annað sem skiptir máli er hve fljótt varan kemur til landsins. Við erum frekar óþolinmóð þjóð og viljum helst fá vöruna samstundis. Íslensk vefverslun keppir á þeim grunni. Auk þess er sendingarkostnaður hingað tiltölulega hár. Þótt varan sé ódýrari á erlendri vefsíðu þarf að gera ráð fyrir sendingarkostnaði en það er ókeypis hjá okkur. En til þess að keppa við Amazon þarf vefverslunin að vera góð og standast samanburð. Það er nefnilega himinn og haf á milli góðrar og lélegrar vefverslunar. Góð vefverslun leiðir viðskiptavini í gegnum ferlið og gefur kost á að bera saman vörur. Þetta verður að vera einfalt.“Gerbreyttu vinnulagi Til að Advania á Íslandi gæti náð téðum árangri í vefversluninni varð að gerbreyta vinnulagi. „Við þurftum að hugsa þjónustu í kringum vefverslunina upp á nýtt, hafa sendingartíma varanna mjög skamman, ekkert sendingargjald og sjá til þess að allir viðskiptavinir gætu fengið þjónustu í vefspjalli um leið og þeir óskuðu eftir henni. Það þurfti að sjá til þess að vörulýsingar væru í lagi og að viðskiptavinurinn gæti borið saman eiginleika og verð á vörum með einföldum hætti. Allt sölu- og markaðsstarf varð starfrænt, mælanlegt og rekjanlegt. Á móti kom að við jukum ráðgjöf til fyrirtækja og settum hluta af söluteyminu í að kynna vefverslunina fyrir viðskiptavinum okkar. Fyrirtækin sem versla við Advania geta nú skráð sig inn á sínar síður í vefversluninni, skoðað gamlar pantanir og viðskiptasögu, og gert ný kaup sem byggja á henni. Með þessari ákvörðun gátum við margfaldað vöruúrval okkar. Nú eru um tvö þúsund vörutegundir í vefverslun okkar sem aldrei hefðu rúmast í verslunarrýminu okkar,“ segir Ægir Már.
Birtist í Fréttablaðinu Mest lesið Keypti hús við Sóleyjargötu af borginni á 310 milljónir Viðskipti innlent Boða tæp 10% þjóðarinnar á hluthafafund Viðskipti innlent Meðallaun 758 þúsund á mánuði Viðskipti innlent Minni þorskafli kosti fleiri milljarða Viðskipti innlent 134 sagt upp í þremur hópuppsögnum Viðskipti innlent Átök auðkýfinganna: „Ekki farið fram hjá neinum að á milli okkar hefur andað köldu“ Viðskipti innlent 118 ára sögu Hans Petersen að ljúka Viðskipti innlent Löng röð myndaðist í Lágmúlanum á miðnætti Viðskipti innlent Fjórar týpur af yfirmönnum sem eru sjálfir að drukkna í vinnu Atvinnulíf Saka hagfræðing SFF um að reyna að draga úr samkeppni í tryggingum Viðskipti innlent Fleiri fréttir 118 ára sögu Hans Petersen að ljúka Boða tæp 10% þjóðarinnar á hluthafafund Miðeind festir kaup á Snöru Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Reon ræður inn hönnunarstjóra frá Spotify Kjarasamningar Play og ÍFF í höfn Greiddu 865 milljónir fyrir Herkastalann Löng röð myndaðist í Lágmúlanum á miðnætti Hrefna stýrir Attentus SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Sjá meira
Átök auðkýfinganna: „Ekki farið fram hjá neinum að á milli okkar hefur andað köldu“ Viðskipti innlent
Átök auðkýfinganna: „Ekki farið fram hjá neinum að á milli okkar hefur andað köldu“ Viðskipti innlent