Þurfi að taka á sig tugprósenta afskriftir Hörður Ægisson og Helgi Vífill Júlíusson skrifar 29. nóvember 2018 06:30 Flugvélafloti Icelandair á Keflavíkurflugvelli. fréttablaðið/ernir Skuldabréfaeigendur WOW air, sem fjárfestu fyrir samtals 60 milljónir evra, jafnvirði 8,5 milljarða króna, í skuldabréfaútboði flugfélagsins sem lauk um miðjan september, gætu þurft að samþykkja tugprósenta afskriftir af höfuðstól sínum eigi fyrirhuguð kaup Icelandair Group á WOW air að ná fram að ganga. Icelandair þrýstir nú mjög á að félagið taki á sig talsvert minni hluta skuldbindingarinnar, eða mögulega í kringum 70 prósent af höfuðstól bréfanna, en áður hafði verið gert ráð fyrir, samkvæmt heimildum Fréttablaðsins. Í bréfi WOW air til skuldabréfaeigenda félagsins, dagsettu 9. nóvember, kom fram að það væri skilyrði fyrir yfirtöku Icelandair að kaupréttir þeirra að hlutafé í félaginu verði felldir niður. Þess í stað myndi WOW air bjóðast til að greiða skuldabréfin á lokagjalddaga haustið 2021 með tuttugu prósenta þóknun ofan á höfuðstólinn. Þau áform, eins og greint var frá í Markaðnum í gær, fólu þá í sér að Icelandair myndi standa undir 90 prósentum af höfuðstól skuldanna og Skúli Mogensen, forstjóri og eini hluthafi WOW air, greiði það sem upp á vantar með þeim hlutabréfum sem hann kann að eignast í sameinuðu félagi. Nú mun Icelandair hins vegar hafa sett fram það skilyrði að greiðsla félagsins til skuldabréfaeigenda WOW air verði nokkuð lægri en 90 prósent og þá er veruleg óvissa um hvort Skúli geti bætt kröfuhöfum félagsins upp mismuninn. Niðurstaða áreiðanleikakönnunar mun leiða í ljós hve stóran hlut Skúli mun fá afhentan í sameinuðu félagi en hann getur verið á bilinu 1,8 til 6,6 prósent. Eins og Markaðurinn hefur áður upplýst um voru íslenskir fjárfestar með 37 prósent af heildareftirspurninni í skuldabréfaútgáfu WOW air í september eða sem nemur um 22 milljónum evra. Tveir sjóðir í stýringu GAMMA Capital Management fjárfestu til dæmis fyrir samanlagt tvær milljónir evra. Bandarískir fjárfestar keyptu um fjórðunginn af útgáfunni og fjárfestar frá Norðurlöndunum 19 prósent á meðan afgangurinn – um 19 prósent – var seldur til annarra fjárfesta í Evrópu. Í bréfi sem Skúli skrifaði eigendum skuldabréfa WOW air á þriðjudag benti hann á að ýmsir þættir í rekstri og umhverfi félagsins hefðu þróast til verri vegar undanfarið sem hefði gert það að verkum að félagið þurfi nauðsynlega á fjármögnun að halda. Skúli upplýsti einnig um það í bréfinu að hann hefði sjálfur fjárfest í útboðinu fyrir um 5,5 milljónir evra, jafnvirði 770 milljóna króna. Þá hefur Fréttablaðið heimildir fyrir því að hinn ungverskættaði Steven Udvar-Házy hafi verið á meðal þeirra fjárfesta sem tóku þátt í skuldabréfaútboðinu. Hann er eigandi fyrirtækisins Air Lease Corporation sem á stærstan hluta þeirra véla, eða alls sjö, sem WOW air er með í rekstrarleigu.Skiljanlegt ef hluthafafundi yrði frestað „Það kæmi ekki á óvart, og í raun mjög skiljanlegt, ef hluthafafundi Icelandair yrði frestað á föstudaginn enda hafa hluthafar litlar upplýsingar undir höndum varðandi stöðu WOW air,“ segir Sveinn Þórarinsson, greinandi hjá Hagfræðideild Landsbankans. Tvær tillögur liggja fyrir hluthafafundi Icelandair Group. Annars vegar hlutafjáraukning vegna samruna við WOW air og hins vegar óskilgreind hlutafjáraukning. „Hún gæti verið samþykkt óháð samruna við WOW air til að bæta til dæmis stöðuna gagnvart skuldabréfaeigendum félagsins, þó sú aukning myndi duga skammt. En það myndi sýna skuldabréfaeigendum að hluthafar standa við bakið á félaginu. Icelandair Group hefur fengið tímabundnar undanþágur gagnvart lánaskilmálum. En stjórnendur fyrirtækisins þurfa að færa sannfærandi rök fyrir hlutafjáraukningu enda er verið að þynna út hluthafa sem ekki taka þátt í henni,“ segir Sveinn. Hlutafjáraukningu þurfi ekki að svo stöddu en hann nefnir að fyrirtækið muni tapa á bilinu 50-60 milljónum dala í ár og ef farmiðaverð hækkar ekki verði næsta ár einnig erfitt. Birtist í Fréttablaðinu WOW Air Mest lesið „Alltaf leiðindamál að lenda í svona“ Viðskipti erlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Flügger rannsakað fyrir brot á viðskiptaþvingunum Viðskipti erlent Lánardrottnar slá af milljarð af vöxtum á ári Viðskipti innlent Áætla að húsnæði á Íslandi sé verulega vantryggt fyrir bruna Neytendur Baldvin tekinn við sem forstjóri Samherja Viðskipti innlent Opinn fundur HMS um endurmat brunabótamats Neytendur Birta stendur frammi fyrir 1,5 milljarða tapi á Play Viðskipti innlent Fordómar: „Mætti halda að á Íslandi væri ekkert sölustarf til“ Atvinnulíf BYKO PLÚS er nýr fríðindaklúbbur fyrir einstaklinga Samstarf Fleiri fréttir Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Efast um að veitingamenn óttist að styggja embættismenn Sjá meira
Skuldabréfaeigendur WOW air, sem fjárfestu fyrir samtals 60 milljónir evra, jafnvirði 8,5 milljarða króna, í skuldabréfaútboði flugfélagsins sem lauk um miðjan september, gætu þurft að samþykkja tugprósenta afskriftir af höfuðstól sínum eigi fyrirhuguð kaup Icelandair Group á WOW air að ná fram að ganga. Icelandair þrýstir nú mjög á að félagið taki á sig talsvert minni hluta skuldbindingarinnar, eða mögulega í kringum 70 prósent af höfuðstól bréfanna, en áður hafði verið gert ráð fyrir, samkvæmt heimildum Fréttablaðsins. Í bréfi WOW air til skuldabréfaeigenda félagsins, dagsettu 9. nóvember, kom fram að það væri skilyrði fyrir yfirtöku Icelandair að kaupréttir þeirra að hlutafé í félaginu verði felldir niður. Þess í stað myndi WOW air bjóðast til að greiða skuldabréfin á lokagjalddaga haustið 2021 með tuttugu prósenta þóknun ofan á höfuðstólinn. Þau áform, eins og greint var frá í Markaðnum í gær, fólu þá í sér að Icelandair myndi standa undir 90 prósentum af höfuðstól skuldanna og Skúli Mogensen, forstjóri og eini hluthafi WOW air, greiði það sem upp á vantar með þeim hlutabréfum sem hann kann að eignast í sameinuðu félagi. Nú mun Icelandair hins vegar hafa sett fram það skilyrði að greiðsla félagsins til skuldabréfaeigenda WOW air verði nokkuð lægri en 90 prósent og þá er veruleg óvissa um hvort Skúli geti bætt kröfuhöfum félagsins upp mismuninn. Niðurstaða áreiðanleikakönnunar mun leiða í ljós hve stóran hlut Skúli mun fá afhentan í sameinuðu félagi en hann getur verið á bilinu 1,8 til 6,6 prósent. Eins og Markaðurinn hefur áður upplýst um voru íslenskir fjárfestar með 37 prósent af heildareftirspurninni í skuldabréfaútgáfu WOW air í september eða sem nemur um 22 milljónum evra. Tveir sjóðir í stýringu GAMMA Capital Management fjárfestu til dæmis fyrir samanlagt tvær milljónir evra. Bandarískir fjárfestar keyptu um fjórðunginn af útgáfunni og fjárfestar frá Norðurlöndunum 19 prósent á meðan afgangurinn – um 19 prósent – var seldur til annarra fjárfesta í Evrópu. Í bréfi sem Skúli skrifaði eigendum skuldabréfa WOW air á þriðjudag benti hann á að ýmsir þættir í rekstri og umhverfi félagsins hefðu þróast til verri vegar undanfarið sem hefði gert það að verkum að félagið þurfi nauðsynlega á fjármögnun að halda. Skúli upplýsti einnig um það í bréfinu að hann hefði sjálfur fjárfest í útboðinu fyrir um 5,5 milljónir evra, jafnvirði 770 milljóna króna. Þá hefur Fréttablaðið heimildir fyrir því að hinn ungverskættaði Steven Udvar-Házy hafi verið á meðal þeirra fjárfesta sem tóku þátt í skuldabréfaútboðinu. Hann er eigandi fyrirtækisins Air Lease Corporation sem á stærstan hluta þeirra véla, eða alls sjö, sem WOW air er með í rekstrarleigu.Skiljanlegt ef hluthafafundi yrði frestað „Það kæmi ekki á óvart, og í raun mjög skiljanlegt, ef hluthafafundi Icelandair yrði frestað á föstudaginn enda hafa hluthafar litlar upplýsingar undir höndum varðandi stöðu WOW air,“ segir Sveinn Þórarinsson, greinandi hjá Hagfræðideild Landsbankans. Tvær tillögur liggja fyrir hluthafafundi Icelandair Group. Annars vegar hlutafjáraukning vegna samruna við WOW air og hins vegar óskilgreind hlutafjáraukning. „Hún gæti verið samþykkt óháð samruna við WOW air til að bæta til dæmis stöðuna gagnvart skuldabréfaeigendum félagsins, þó sú aukning myndi duga skammt. En það myndi sýna skuldabréfaeigendum að hluthafar standa við bakið á félaginu. Icelandair Group hefur fengið tímabundnar undanþágur gagnvart lánaskilmálum. En stjórnendur fyrirtækisins þurfa að færa sannfærandi rök fyrir hlutafjáraukningu enda er verið að þynna út hluthafa sem ekki taka þátt í henni,“ segir Sveinn. Hlutafjáraukningu þurfi ekki að svo stöddu en hann nefnir að fyrirtækið muni tapa á bilinu 50-60 milljónum dala í ár og ef farmiðaverð hækkar ekki verði næsta ár einnig erfitt.
Birtist í Fréttablaðinu WOW Air Mest lesið „Alltaf leiðindamál að lenda í svona“ Viðskipti erlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Flügger rannsakað fyrir brot á viðskiptaþvingunum Viðskipti erlent Lánardrottnar slá af milljarð af vöxtum á ári Viðskipti innlent Áætla að húsnæði á Íslandi sé verulega vantryggt fyrir bruna Neytendur Baldvin tekinn við sem forstjóri Samherja Viðskipti innlent Opinn fundur HMS um endurmat brunabótamats Neytendur Birta stendur frammi fyrir 1,5 milljarða tapi á Play Viðskipti innlent Fordómar: „Mætti halda að á Íslandi væri ekkert sölustarf til“ Atvinnulíf BYKO PLÚS er nýr fríðindaklúbbur fyrir einstaklinga Samstarf Fleiri fréttir Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Efast um að veitingamenn óttist að styggja embættismenn Sjá meira