Samkeppniseftirlitið telur að Hagar hafi ekki sýnt fram á í nýrri samrunatilkynningu að þar sé leyst úr öllum samkeppnislegum vandamálum sem leiði af samruna Haga við Olís og fasteignafélagið DGV. Því sé ekki hægt að fallast á tillögu Haga að sátt vegna málsins.
„Hagar vinna nú að því að koma athugasemdum við frummatið á framfæri og eftir atvikum veita Samkeppniseftirlitinu frekari upplýsingar með það að markmiði að ná sátt um samrunann. Málinu getur því enn lokið með setningu skilyrða fyrir samrunanum eða ógildingu hans,“ segir í tilkynningu um málið frá Högum. Minnt er á að viðskiptin séu háð fyrirvara um samþykki Samkeppniseftirlitsins.
Ekki sátt um tillögu Haga
Tengdar fréttir
Samkeppniseftirlitið haldi vöku sinni
Framkvæmdastjóri Samtaka verslunar og þjónustu segir verslanir verða að bregðast við gjörbreyttu samkeppnisumhverfi ef ekki á illa að fara. Við slíkar aðstæður sé ábyrgð samkeppnisyfirvalda mikil. Þau verði að taka tillit til aukinnar netverslunar og samkeppni.
Hagar drógu samrunatilkynningu til baka á síðustu stundu
Ekki er búið að hætta við samrunann þar sem Hagar ætla að senda inn nýja samrunatilkynningu.
Samkeppniseftirlitið samþykkir ekki samruna Olís og Haga án skilyrða
Samkeppniseftirlitið hefur sent Högum andmælaskjal vegna kaupa félagsins á Olíuverzlun Íslands hf., Olís, og fasteignafélagsins DGV ehf.
