Kótelettur í raspi að hætti togarasjómanna Elín Albertsdóttir skrifar 25. september 2017 09:30 Stefán Úlfarsson matreiðslumaður hefur tekið við rekstri á Þremur frökkum af föður sínum. Vísir/Eyþór Stefán Úlfarsson matreiðslumaður hefur tekið yfir rekstur á veitingahúsi föður síns, Úlfars Eysteinssonar, Þremur frökkum. Stefán segir að matarsmekkur fólks sé öðruvísi á sumrin en haustin. Veitingahúsið Þrír frakkar verður 30 ára eftir tvö ár. Úlfar og Stefán, sonur hans, hafa lagt áherslu á að gestir geti alltaf gengið að sínum réttum. „Ef við tökum einhvern rétt af matseðli er stöðugt spurt um hann,“ segir Stefán. „Plokkfiskurinn okkar hefur verið mjög vinsæll og við gerum honum alltaf hátt undir höfði. Í gamla daga voru settir afgangar í plokkfisk en hjá okkur er ekkert til sparað og eingöngu eðalhráefni notað. Plokkfiskur er stolt íslensku húsmóðurinnar og við eigum marga fastagesti sem koma reglulega til að smakka á honum. Við klæðum plokkfiskinn í kjólföt,“ segir Stefán sem var alltaf ákveðinn í að verða kokkur eins og pabbinn. Nú er sonur Stefáns í læri hjá honum. Kokkastarfið gengur því mann fram af manni í þessari fjölskyldu. „Ég er alinn upp í eldhúsinu og matargerðin hefur alltaf verið líf mitt og yndi. Faðir minn varð sjötugur fyrir stuttu en hann hefur ekki tekið sér sumarfrí í sextán ár, það var kominn tími til að hann færi að slaka á. Hann kemur þó alltaf til okkar, annað hvort til að heilsa upp á kunnuglega gesti eða hjálpa til í eldhúsinu. Hann hefur glímt við erfið veikindi en er á batavegi og getur farið að njóta lífsins,“ segir Stefán en Þrír frakkar eiga stóran hóp fastagesta í hádeginu. „Á kvöldin er meira um erlenda ferðamenn. Einnig er algengt að íslenskir viðskiptamenn komi með erlenda gesti sína.“ Úlfar Eysteinsson veit hvað hann syngur í skötumálum, og Þorláksmessa er hans uppáhaldsdagur. Vísir/GVA Góð stemming í sláturgerðStefán er alinn upp við slátur og sláturgerð. „Slátur er góður matur. Þegar amma mín var á lífi var fjölskyldunni hóað saman í sláturgerðina. Allir hjálpuðust að við að sauma vambir og allt var hakkað í handsnúinni hrærivél. Amma hrærði blönduna í stórum bala. Það eru góðar minningar frá þessum tíma og mikil stemming sem myndaðist. Þetta voru skemmtilegar samverustundir. Svo hittist fjölskyldan aftur til að skera út laufabrauð fyrir jólin,“ segir Stefán. „Við erum ekki með slátur á matseðlinum okkar en bjóðum stundum upp á forréttabakka með lifrarpylsu, súrum hval og þess háttar. Það er eiginlega smakk fyrir útlenda gesti. Við leggjum mikla áherslu á að bjóða íslenskan mat úr okkar eigin náttúru.“ Stefán segir að á fyrstu árum Þriggja frakka hafi Íslendingar ekki pantað sér fisk á veitingahúsum. „Þeir fengu nóg af soðningunni heima hjá sér. Við þóttum framúrstefnulegir að vera með sjávarréttastað. Við fundum strax áhuga erlendra ferðamanna á íslenska fiskinum. Eftir að hinn kunni matreiðslumaður Anthony Bourdain gerði þátt um okkur fundum við verulega aukinn áhuga hjá útlendingum á að fá sér plokkfisk,“ segir Stefán sem gefur hér uppskrift að vinsælum haustrétti, kótelettum í raspi. „Þetta er gríðarlega vinsæll réttur. Við erum alltaf með nokkra kjötrétti á matseðlinum, lambakjöt, hvalkjöt, svartfugl, lunda og hrossalundir svo eitthvað sé nefnt.“ Kótelettur í raspi er uppáhaldsmatur margra. Það er einfalt að útbúa þennan rétt. MYND/EYÞÓR Kótelettur í raspi að hætti togarasjómanna Kótilettur 3 til 4 á mann eftir stærð Kóteletturnar eru lamdar (flattar út) Síðan er þeim velt upp úr hveiti svo eggjablandan loði betur við kjötið, síðan velt upp úr eggjahræru með salti og pipar og að lokum velt upp úr raspi. Steikt upp úr miklu smjöri á miðlungshita þannig að þær verða gullinbrúnar á hvorri hlið, um það bil 3-4 mínútur. Raðið kótelettunum í ofnskúffu og setjið meira smjör ofan á. Bakist í ofni í 30 mínútur á um 140°C. Meðan kóteletturnar eru í ofninum er gott að sykurbrúna kartöflur og laga brúna sósu. Kóteletturnar eru bornar fram með grænum baunum, rauðkáli og rabarbarasultu. Svínakjöt Uppskriftir Veitingastaðir Mest lesið Að komast aftur í vinnugírinn eftir geggjað páskafrí Atvinnulíf Latabæjarnammið vel þekkt um allan heim Viðskipti Heimsskortur á pistasíum vegna Dúbaí-súkkulaðis Viðskipti erlent Elskar kaffi að ítölskum sið og línulega dagskrá Atvinnulíf Systkinin öll verið forsetar: „Tvö félög, tvöfalt stuð!“ Atvinnulíf Boða alvöru breytingar í jafnréttismálum efnahags- og atvinnulífs Atvinnulíf Ósáttur við aukna gjaldtöku við flugvöllinn fyrir leigubílstjóra Neytendur Hvar er opið um páskana? Neytendur Tímamótasamkomulag um að draga úr losun skipaflotans Viðskipti erlent Spotify liggur niðri Neytendur Fleiri fréttir Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Bein útsending: Vorfundur RARIK - Hreyfum samfélagið til framtíðar Milljarðaafgangur og besta niðurstaðan í sautján ár Enginn sjái eftir því á dánarbeðinum að hafa ekki unnið meira Mögulega leikflétta og eða viðbrögð við lækkunum Miðlunarlónin standa öll mun betur en á horfðist Bein útsending: Hlýtur Carbfix Nýsköpunarverðlaun Norðurlandanna? Penninn leggst í miklar breytingar Ríflega tveggja milljarða afgangur á Akureyri Sjá meira
Stefán Úlfarsson matreiðslumaður hefur tekið yfir rekstur á veitingahúsi föður síns, Úlfars Eysteinssonar, Þremur frökkum. Stefán segir að matarsmekkur fólks sé öðruvísi á sumrin en haustin. Veitingahúsið Þrír frakkar verður 30 ára eftir tvö ár. Úlfar og Stefán, sonur hans, hafa lagt áherslu á að gestir geti alltaf gengið að sínum réttum. „Ef við tökum einhvern rétt af matseðli er stöðugt spurt um hann,“ segir Stefán. „Plokkfiskurinn okkar hefur verið mjög vinsæll og við gerum honum alltaf hátt undir höfði. Í gamla daga voru settir afgangar í plokkfisk en hjá okkur er ekkert til sparað og eingöngu eðalhráefni notað. Plokkfiskur er stolt íslensku húsmóðurinnar og við eigum marga fastagesti sem koma reglulega til að smakka á honum. Við klæðum plokkfiskinn í kjólföt,“ segir Stefán sem var alltaf ákveðinn í að verða kokkur eins og pabbinn. Nú er sonur Stefáns í læri hjá honum. Kokkastarfið gengur því mann fram af manni í þessari fjölskyldu. „Ég er alinn upp í eldhúsinu og matargerðin hefur alltaf verið líf mitt og yndi. Faðir minn varð sjötugur fyrir stuttu en hann hefur ekki tekið sér sumarfrí í sextán ár, það var kominn tími til að hann færi að slaka á. Hann kemur þó alltaf til okkar, annað hvort til að heilsa upp á kunnuglega gesti eða hjálpa til í eldhúsinu. Hann hefur glímt við erfið veikindi en er á batavegi og getur farið að njóta lífsins,“ segir Stefán en Þrír frakkar eiga stóran hóp fastagesta í hádeginu. „Á kvöldin er meira um erlenda ferðamenn. Einnig er algengt að íslenskir viðskiptamenn komi með erlenda gesti sína.“ Úlfar Eysteinsson veit hvað hann syngur í skötumálum, og Þorláksmessa er hans uppáhaldsdagur. Vísir/GVA Góð stemming í sláturgerðStefán er alinn upp við slátur og sláturgerð. „Slátur er góður matur. Þegar amma mín var á lífi var fjölskyldunni hóað saman í sláturgerðina. Allir hjálpuðust að við að sauma vambir og allt var hakkað í handsnúinni hrærivél. Amma hrærði blönduna í stórum bala. Það eru góðar minningar frá þessum tíma og mikil stemming sem myndaðist. Þetta voru skemmtilegar samverustundir. Svo hittist fjölskyldan aftur til að skera út laufabrauð fyrir jólin,“ segir Stefán. „Við erum ekki með slátur á matseðlinum okkar en bjóðum stundum upp á forréttabakka með lifrarpylsu, súrum hval og þess háttar. Það er eiginlega smakk fyrir útlenda gesti. Við leggjum mikla áherslu á að bjóða íslenskan mat úr okkar eigin náttúru.“ Stefán segir að á fyrstu árum Þriggja frakka hafi Íslendingar ekki pantað sér fisk á veitingahúsum. „Þeir fengu nóg af soðningunni heima hjá sér. Við þóttum framúrstefnulegir að vera með sjávarréttastað. Við fundum strax áhuga erlendra ferðamanna á íslenska fiskinum. Eftir að hinn kunni matreiðslumaður Anthony Bourdain gerði þátt um okkur fundum við verulega aukinn áhuga hjá útlendingum á að fá sér plokkfisk,“ segir Stefán sem gefur hér uppskrift að vinsælum haustrétti, kótelettum í raspi. „Þetta er gríðarlega vinsæll réttur. Við erum alltaf með nokkra kjötrétti á matseðlinum, lambakjöt, hvalkjöt, svartfugl, lunda og hrossalundir svo eitthvað sé nefnt.“ Kótelettur í raspi er uppáhaldsmatur margra. Það er einfalt að útbúa þennan rétt. MYND/EYÞÓR Kótelettur í raspi að hætti togarasjómanna Kótilettur 3 til 4 á mann eftir stærð Kóteletturnar eru lamdar (flattar út) Síðan er þeim velt upp úr hveiti svo eggjablandan loði betur við kjötið, síðan velt upp úr eggjahræru með salti og pipar og að lokum velt upp úr raspi. Steikt upp úr miklu smjöri á miðlungshita þannig að þær verða gullinbrúnar á hvorri hlið, um það bil 3-4 mínútur. Raðið kótelettunum í ofnskúffu og setjið meira smjör ofan á. Bakist í ofni í 30 mínútur á um 140°C. Meðan kóteletturnar eru í ofninum er gott að sykurbrúna kartöflur og laga brúna sósu. Kóteletturnar eru bornar fram með grænum baunum, rauðkáli og rabarbarasultu.
Svínakjöt Uppskriftir Veitingastaðir Mest lesið Að komast aftur í vinnugírinn eftir geggjað páskafrí Atvinnulíf Latabæjarnammið vel þekkt um allan heim Viðskipti Heimsskortur á pistasíum vegna Dúbaí-súkkulaðis Viðskipti erlent Elskar kaffi að ítölskum sið og línulega dagskrá Atvinnulíf Systkinin öll verið forsetar: „Tvö félög, tvöfalt stuð!“ Atvinnulíf Boða alvöru breytingar í jafnréttismálum efnahags- og atvinnulífs Atvinnulíf Ósáttur við aukna gjaldtöku við flugvöllinn fyrir leigubílstjóra Neytendur Hvar er opið um páskana? Neytendur Tímamótasamkomulag um að draga úr losun skipaflotans Viðskipti erlent Spotify liggur niðri Neytendur Fleiri fréttir Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Bein útsending: Vorfundur RARIK - Hreyfum samfélagið til framtíðar Milljarðaafgangur og besta niðurstaðan í sautján ár Enginn sjái eftir því á dánarbeðinum að hafa ekki unnið meira Mögulega leikflétta og eða viðbrögð við lækkunum Miðlunarlónin standa öll mun betur en á horfðist Bein útsending: Hlýtur Carbfix Nýsköpunarverðlaun Norðurlandanna? Penninn leggst í miklar breytingar Ríflega tveggja milljarða afgangur á Akureyri Sjá meira