Theresa May, forsætisráðherra Bretland og formaður Íhaldsflokksins, er komin af fundi Elísabetar II Englandsdrottningar en þangað fór hún klukkan 11.30 að íslenskum tíma til að fá umboð til að mynda ríkisstjórn.
Fundur þeirra stóð í um 20 mínútur og þegar May kom af honum sagði hún að hún ætlaði að mynda ríkisstjórn sem myndi tryggja stöðugleika og vinna að því að Bretland yrði áfram öruggt land.
May hyggst mynda minnihlutastjórn með stuðningi Lýðræðislega sambandsflokknum (DUP) á Norður-Írlandi sem náði tíu mönnum á þing í kosningunum í gær.
Íhaldsflokkurinn missti meirihluta sinn á þingi og er talið að hann fái nú 319 þingsæti en 326 þingsæti þarf til að vera með meirihluta á þingi.
Saman verða íhaldsmenn og DUP því með 329 þingmenn en talið er að May myndi ríkisstjórn með ráðherrum úr röðum Íhaldsflokksins og geri einhvers konar óformlegt samkomulag við DUP um að þeir styðji minnihlutastjórn í atkvæðagreiðslum á þingi.
Theresa May myndar ríkisstjórn með stuðningi DUP
Tengdar fréttir
Corbyn: „Það er nokkuð ljóst hverjir unnu þessar kosningar“
Formaður Verkamannaflokksins segir flokkinn reiðubúinn að þjóna Bretum með myndun minnihlutastjórnar og án þess að semja sérstaklega fyrirfram við aðra flokka.
Lýðræðislegi sambandsflokkurinn DUP skyndilega kominn í valdastöðu
Theresa May, formaður Íhaldsflokkins, leitast nú eftir að mynda minnihlutastjórn Íhaldsflokksins með stuðningi þingmanna DUP.
May vill mynda minnihlutastjórn
Theresa May fer á fund Elísabetar Bretadrottningar í Buckinghamhöll í hádeginu þar þar sem hún mun fara fram á það að hún fái umboð til að mynda nýja ríkisstjórn í landinu.
