Stór áfangi á ferli Nowitzki | Myndbönd

Þjóðverjinn Dirk Nowitzki varð í nótt aðeins sjötti leikmaðurinn í sögu NBA-deildarinnar sem nær því að skora yfir 30 þúsund stig á ferlinum.

Hann er þar með kominn í hóp með Kareem Abdul-Jabbar, Wilt Chamberlain, Karl Malone, Michael Jordan og Kobe Bryant.

Áfanginn náðist í sigurleik þar sem Nowitzki var með tvöfalda tvennu. 25 stig og 12 fráköst.

Russell Westbrook bætti persónulegt met er hann skoraði 58 stig fyrir Oklahoma City Thunder í nótt en því miður fyrir hann þá dugði það ekki til sigurs.

Hér að neðan má sjá er Nowitzki nær þessum stóra áfanga sem og fleiri eftirminnilega tilþrif á hans ferli.

Úrslit:

Oklahoma-Portland  121-126

Dallas-LA Lakers  122-111

Phoenix-Washington  127-131