Sögulegt hjá San Antonio

San Antonio Spurs vann sinn 50. leik á leiktíðinni í NBA-deildinni í nótt. Þetta er átjánda árið í röð sem Spurs vinnur 50 leiki í deildinni en það er met.

Það sem gerði sigurinn gegn Sacramento afar sætan var sú staðreynd að liðið var 28 stigum undir í leiknum en kom til baka og vann. David Lee var með 18 stig og Patty Mills 17.

Tíu leikja sigurhrina Golden State Warriors á heimavelli endaði í nótt er Boston kom í heimsókn.

Isaiah Thomas átti enn einn stórleikinn fyrir Celtics og skoraði 25 stig. Klay Thompson skoraði 25 fyrir Warriors og Steph Curry 23.

Úrslit:

Orlando-Chicago  98-91

Atlanta-Brooklyn  110-105

Miami-Charlotte  108-101

Milwaukee-NY Knicks  104-93

New Orleans-Toronto  87-94

Houston-Utah  108-115

Minnesota-LA Clippers  107-91

Indiana-Detroit  115-98

San Antonio-Sacramento  114-104

Denver-Washington  113-123

Golden State-Boston  86-99

Staðan í NBA-deildinni.