Hörður ráðinn ritstjóri Markaðarins

Hörður Ægisson hefur verið ráðinn viðskiptaritstjóri Fréttablaðsins. Hörður er með MA í hagfræði og alþjóðastjórnmálum frá Johns Hopkins School of Advanced International Studies í Washington DC. Hann hefur verið viðskiptaritstjóri DV síðustu tvö ár en starfaði þar á undan sem viðskiptablaðamaður á Morgunblaðinu.

Þá hefur Haraldur Guðmundsson verið ráðinn viðskiptablaðamaður.

 

Haraldur er stjórnmálafræðingur með meistaragráðu í Evrópufræðum frá Háskólanum í Árósum. Hann starfaði síðast sem blaðamaður á DV en þar á undan á Fréttablaðinu og á viðskiptaskrifstofu utanríkisráðuneytisins.

Við þessar breytingar hefur Hafliði Helgason, ritstjóri viðskipta- og efnahagsmála, látið af störfum. Fréttablaðið óskar honum velfarnaðar á nýjum vettvangi.