Fimmtánda þrefalda tvennan hjá Westbrook

Þetta tímabil er þegar orðið einstakt hjá Russell Westbrook, leikmanni Oklahoma City, en hann er ekkert hættur að skila rosalegum tölum.

Hann var með sína fimmtándu þreföldu tvennu á tímabilinu í nótt er Oklahoma lagði Miami. Hann er kominn með þrjátíu slíkar á árinu. Í nótt skoraði hann 29 stig, tók 17 fráköst og gaf 11 stoðsendingar.

Sjá má tilþrif hans í nótt hér að ofan.

James Harden átti svo stórleik að venju í leik Texas-liðanna Dallas og Houston. Hann skoraði 34 stig og gaf 11 stoðsendingar í sigri síns liðs á Dallas.

Úrslit:

Boston-Memphis  113-103

Miami-Oklahoma  94-106

Dallas-Houston  107-123

LA Lakers-Houston  100-102