Durant gaf skóla í OKC sex og hálf milljón

Kevin Durant hefur ennþá sterkar taugar til Oklahoma City og kappinn sýndi það í verki á dögunum.

Kevin Durant yfirgaf Oklahoma City Thunder liðið í sumar eftir átta ár með liðinu og samdi við Golden State Warriors. Margir íbúar í Oklahoma City og nágrenni máluðu hann sem svikara.  

Durant hefur fundið sig vel á nýjum stað í Oakland en hann hefur ekki gleymt tengingum sínum til Oklahoma City.

Góðgerðasamtök Kevin Durant ákváðu að gefa skóla heimilislausra barna,  Positive Tomorrows , 57 þúsund dollara á dögunum en það jafngildir sex og hálfri milljón í íslenskum krónum.

Þetta er ekki í fyrsta skiptið sem Kevin Durant kemur sterkur inn hjá Positive Tomorrows skólanum. Hann hefur gefið börnum skólans skó á jólum, hann fjármagnaði sumarnámskeið og hann borgaði fyrir nýtt eldhús og kaffiteríu í skólanum.

Nú er að sjá hvort fólkið í Oklahoma City sé tilbúið að taka Kevin Durant eitthvað í sátt en hann mætir þangað í fyrsta sinn með Golden State Warriors liðinu 11. febrúar á nýju ári.

Thrilled to announce that @KDTrey5 just gifted $57K to our school to help us serve even more students. Thank you KD! https://t.co/wDjEcjrzCN

— Positive Tomorrows (@ptokc) December 13, 2016

#ICYMI Warriors Star Kevin Durant Donates $57,000 to Oklahoma School for Homeless Kids - https://t.co/uio9nxWhhy

— Def Pen Hoops (@DefPenHoops) December 14, 2016