Íslensku stelpurnar sjóðheitar í sigri

Sara Rún Hinriksdóttir og Margrét Rósa Hálfdanardóttir voru allt í öllu hjá Canisius skólaliðinu í sigri á  Monmouth.

Íslensku stelpurnar voru stigahæstar í liði Canisius sem vann glæsilegan tuttugu stiga sigur.

Sara Rún var bæði stigahæst (17 stig) og frákastahæst (7) í sínu liði en Margrét Rósa var næststigahæst (16) og gaf flestar stoðsendingar (6). Þetta voru flestar stoðsendingar í einum leik hjá Margréti Rósu í bandaríska háskólaboltanum.

FINAL | Team Iceland helps lift the Griffs to its first MAAC win, snapping Monmouth's win streak at three.#Griffs win 74-54 recap up next pic.twitter.com/aMy5ZePNik

— Canisius WBB (@CanisiusWBB) December 4, 2016

Sara Rún Hinriksdóttir er á sínu öðru ári í skólanum en hún kemur úr Keflavík. Margrét Rósa kemur úr Haukum en hún er tveimur árum eldri og á sínu þriðja ári í skólanum.

Saman hittu íslensku stelpurnar úr 13 af 19 skotum sínum þar af 5 af 6 skotum fyrir utan þriggja stiga línuna. Margrét Rósa hitti úr báðum þriggja stiga skotum sínum og klikkaði aðeins á 1 af 8 skotum sínum í leiknum.

END 1Q | #Griffs lead Monmouth 20-15 thanks to seven pts by Halfdanardottir. #DefendMainStreetpic.twitter.com/hWUA6xAgWE

— Canisius WBB (@CanisiusWBB) December 4, 2016

Margrét Rósa kom alls að 13 körfum Canisius á þeim 25 mínútum sem hún spilaði í leknum en báðar íslensku stelpurnar voru að sjálfsögðu í byrjunarliðinu.

Þetta var annar sigur Canisius í sjö leikjum á tímabilinu og fyrsti sigur liðsins á móti liði úr MAAC-deildinni.

END 3Q | #Griffs Icelandic tandem leading the way with 31of the team's 67 pts. Canisius leads the Hawks 67-41. #DfendMainStreet pic.twitter.com/KfnFTTSzkY

— Canisius WBB (@CanisiusWBB) December 4, 2016

We are minutes away from tip here at the KAC between the #Griffs and Monmouth. Here are your starting five! #DefendMainStreet pic.twitter.com/pD62EsTMGn

— Canisius WBB (@CanisiusWBB) December 4, 2016