Litlar líkur eru taldar á því að Brad Pitt verði lögsóttur fyrir líkamsárás gegn 15 ára syni sínum. Þetta hefur fréttastofa TMZ eftir lögmönnum sem vinna að málinu.
Lítið er vitað um atvikið sem átti sér stað í 30 þúsund feta hæð yfir jörðu í einkaþotu á meðan fjölskyldan var á ferðalagi. Greint hefur verið að Brad og Maddox sonur hans og Angelinu Jolie hafi lent í rifrildi. Lögfræðingar hans segja að engar vísbendingar séu að atvikinu og engin leið sé að sanna að Pitt hafi skaðað son sinn á nokkurn hátt.
Þær fregnir sem ratað hafa í fjölmiðla af atvikinu herma að Maddox eigi að hafa reitt föður sinn til reiði með þeim afleiðingum að leikarinn réðst að syni sínum. Angelina á að hafa komið upp á milli þeirra en að einhverjar ryskingar hafi orðið þeirra á milli og hugsanlega meitt hann á öxl.
Samkvæmt lögmönnum Pitt sáust engin ummerki á öxl drengsins og hin meinta líkamsárás hefur ekki verið kærð til lögreglu. Þar sem atvikið átti sér stað í þotu er það í umdæmi FBI og ekki er talið líklegast að alríkislögreglan muni skipta sér meira að málinu þar sem svæðið sé oft grátt á milli foreldrauppeldis og ofbeldis.
Ólíklegt að Brad Pitt verði lögsóttur fyrir að ráðast á son sinn
Tengdar fréttir
Lögreglan í LA ekki með Pitt til rannsóknar
Lögreglan í Los Angeles staðfesti fyrr í dag að hún er ekki að rannsaka leikarann Brad Pitt vegna gruns um að hann hafi beitt börn sín líkamlegu ofbeldi.
Sjokkerandi skilnaðir ríka og fræga fólksins
Lífið er ekki alltaf dans á rósum. Stundum þarf bara að horfast í augu við erfiðleikana enda eru þeir jafn mikill hluti af lífinu eins og góðu stundirnar. Í Hollywood er þetta ekkert öðruvísi og munum við af því tilefni fara yfir nokkra erfiðustu skilnaðina þar á bæ.
Marion Cotillard tjáir sig um skilnaðinn: „Þetta verða mín fyrstu og einu viðbrögð“
Franska leikkonan hafnar öllum ásökunum um framhjáhald.
FBI kannar hvort Brad Pitt hafi misþyrmt börnunum
FBI skoðar mál Jolie og Pitt.
