Búið að velja stelpurnar sem keppa úti með landsliðinu eftir jól

Daniele Capriotti, þjálfari íslenska kvennalandsliðsins í blaki, hefur valið fjórtán leikmenn sem keppa í Novotel-bikarnum í Lúxemborg. Þetta kemur fram á heimasíðu Blaksambands Íslands.

Daniele Capriotti, landsliðsþjálfari er í starfi hjá sterku félagsliði í Póllandi en hann hefur unnið hörðum höndum að því að finna tíma til að hitta lið sitt.

Þetta er þriðja árið í röð sem íslensks kvennalandsliðið tekur þátt í þessu móti sem er mikilvægt í framþróun íslenska liðsins.

Kvennalandsliðið sem fer á Novotel Cup fer út tveimur dögum fyrir mótið og verður í æfingabúðum og æfingaleikjum þar til mótið hefst þann 1. janúar í Lúxemborg. Allt er þetta gert í samráði við Lúxemborg og þjóðirnar því að sameinast í æfingabúðum.

Íslenski landsliðshópurinn hefur breyst talsvert frá því á Smáþjóðaleikunum en þar unnu íslensku stelpurnar bronsverðlaun.  Fjórar af fjórtán leikmönnum spila með erlendum liðum.

Novotel Cup er boðsmót sem hefst 1. janúar og stendur til 3. janúar. Mótið er keyrt samhliða samskonar karlamóti. Þátttökuþjóðir eru: Lúxemborg, Liechtenstein, Danmörk og Ísland.

Landsliðshópur Íslands á NOVOTEL CUP 2016:

Elísabet Einarsdóttir, HK

Hanna María Friðriksdóttir, EV Aarhus

Karen Björg Gunnarsdóttir, Afturelding

Steinunn Helga Björgólfsdóttir, HK

Hildur Davíðsdóttir, KA

María Gunnarsdóttir, Þróttur Reykjavík

María Rún Karlsdóttir, Þrótti Nes

Hugrún Óskarsdóttir, Nettersheim

Rósborg Halldórsdóttir, Afturelding

Thelma Dögg Grétarsdóttir, Afturelding

Ásthildur Gunnarsdóttir, Stjarnan

Rósa Dögg Ægisdóttir, Stjarnan

Hjördís Eiríksdóttir, Winthrop Eagles

Birta Björnsdóttir, Northwood

Daniela Capriotti, aðalþjálfari

Francesco Napoletano, aðstoðarþjálfari

Emil Gunnarsson, aðstoðarþjálfari

Mundína Ásdís Kristinsdóttir, sjúkraþjálfari