Þeir fóru hratt upp en fallið var líka harkalegt. Chicago Cubs verður ekki hafnaboltameistari í Bandaríkjunum árið 2015 eins og spáð var í myndinni Back to the Future II.
Það varð allt vitlaust í Bandaríkjunum er liðið tryggði sér sæti í undanúrslitum. Fólk trúði á drauma og myndina. Allt í einu var Cubs orðið líklegast til að vinna deildina. Þetta sögufræga félag sem hefur mátt bíða lengst allra atvinnuliða í Bandaríkjunum eftir titli eða 107 ár.
Öll þessi læti virðast hafa verið meira en leikmenn liðsins réðu við því þeim var pakkað saman af NY Mets sem sópaði Cubs í frí. Vann fjóra leiki í röð og nú síðast í nótt, 8-3.
Þetta er í fyrsta skipti síðan árið 2000 sem Mets nær því að komast í úrslitaeinvígið eða World Series.
Andstæðingurinn verður annað hvort Kansas City eða Toronto en Kansas leiðir það einvígi, 3-2.
Draumur Cubs dáinn
Tengdar fréttir
Rætist spádómurinn úr Back to the Future II?
Chicago Cubs hefur ekki unnið MLB-hafnaboltadeildina í 107 ár en það er líf í félaginu núna og fólk er farið að trúa á kraftaverk.
Back to the Future II draumurinn að deyja
Á deginum sem Marty McFly átti að koma til ársins 2015 í myndinni Back to the Future II er að verða ljóst að Chicago Cubs mun ekki vinna hafnaboltatitilinn í Bandaríkjunum eins og myndin spáði.
Harðkjarna stuðningsmenn Cubs hafa ekki efni á miðum
Fólkið sem hefur stutt Chicago Cubs í gegnum súrt og sætt, aðallega súrt, síðustu árin mun líklega ekki getað séð liðið í næstu leikjum.
