Íslendingur hyggst gera Malmö að alþjóðlegustu borg heims Atli Ísleifsson skrifar 24. ágúst 2015 12:15 Finnur Sverrisson segist fyrst hafa fengið hugmyndina að Little Big Malmö fyrir fimm árum en að hann hafi unnið markvisst að þessu síðasta árið. Mynd/Alfreð Gunnarsson, Getty „Við viljum að þetta verði í fyrsta sinn sem nokkur borg í heimi geti titlað sig „fullkomlega alþjóðlega“,“ segir Finnur Sverrisson, annar stofnenda verkefnisins Little Big Malmö, en verkefnið miðar að því að fá ríkisborgara frá öllum ríkjum heims til að búa í Malmö. Finnur segist í samtali við Vísi fyrst hafa fengið hugmyndina fyrir fimm árum en að hann hafi unnið markvisst að þessu síðasta árið. „Í Malmö býr fólk frá 169 af 193 aðildarríkjum Sameinuðu þjóðanna. Við viljum því fá fólk frá þeim 24 ríkjum sem upp á vantar.“ Verkefnið er hópfjármögnunarverkefni sem gengur út á að markaðssetja borgina í ríkjunum 24 og svo að aðstoða fólkið að koma sér fyrir í borginni. „Við viljum að þetta verði í fyrsta sinn sem nokkur borg í heimi geti titlað sig „fullkomlega alþjóðlega“ ef svo mætti að orði komast. Svo er þetta einnig í fyrsta sinn sem þróunarverkefni sem þetta er fjármagnað af borgurunum sjálfum. Við viljum breyta ímynd Malmö út á við, að þetta verði „andlit“ borgarinnar,“ segir Finnur.Marcus McKinley, Finnur Sverrisson og Lars Holst Lyberg, forsvarsmenn verkefnisins.Mynd/Little Big MalmöEkki enn ein ímyndarherferðin frá ferðamálaráðiHann segir að hver og einn íbúi Malmöborgar geti keypt hlut í verkefninu. „Það eru þó ekki einungis íbúar borgarinnar sem geta tekið þátt og hafa nú þegar fyrirspurnir og styrkir borist til dæmis frá nágrannaríkjum Svíþjóðar, Bandaríkjunum og Grikklandi. Fólk hefur greinilega mikinn áhuga á að sjá hina fullkomnu alþjóðlegu borg verða að veruleika og þá sérstaklega að tiltölulega lítil borg í suðurhluta Svíþjóðar geti orðið fyrst til að ná þeim áfanga.“ Finnur segir hugmyndina vera að Little Big Malmö verði ekki enn ein ímyndarherferð frá einhverju ferðamálaráði . Þannig sækir verkefnið ekki neina styrki til Malmöborgar eða sænska ríkisins. „Þeim er að sjálfsögðu velkomið að taka þátt en við viljum að hinn almenni Malmöbúi eigi og stjórni verkefninu. Þannig sé þetta „bottom-up-verkefni“.“Malmöfestivalen verði alþjóðlegasta hátíð heimsMalmöfestivalen, árleg hátíð Malmöborgar, lauk um síðustu helgi þar sem verkefnið var kynnt og segir Finnur að vonir standi til að markmiðið náist fyrir hátíðina sem haldin verður að ári. „Við viljum að Malmöfestivalen 2016 verði „alþjóðlegasta hátíð heims“ með ríkisborgurum frá öllum ríkjum heims. Raunsætt mat okkar er þó að við náum takmarkinu fyrir árslok 2016.“ Finnur segir að New York sé sem stendur alþjóðlegasta borg í heimi sé miðað er við 193 aðildarríki Sameinuðu þjóðanna. Þar vanti ríkisborgara frá fjórum ríkjum. Þau ríki sem upp á vanta í Malmö eru Antígva og Barbúda, Andorra, Belís, Bútan, Brúnei, Grenada, Kíribatí, Kómoreyjar, Liechtenstein, Maldíveyjar, Marshall-eyjar, Míkrónesía, Óman, Nárú, Palá, Sankti Kitts og Nevis, Salómonseyjar, Saó Tóme og Prinsípe, Suður-Súdan, Tonga, Túvalú, Vanúatú og Austur-Tímor. Finnur segir að í Malmö búi þó raunverulega fólk af fleiri þjóðernum þar sem lönd á borð við Færeyjar og Grænland séu ekki aðilar að Sameinuðu þjóðunum.Turning Torso í Malmö.Vísir/GettyFá íbúð, vinnu og hjólFinnur segir að peningurinn sem safnast verði notaður til að markaðssetja Malmö í þeim ríkjum sem um ræðir og að bjóða aðfluttum velkomna í Malmö. „Við verðum með sérstakt teymi sem tekur á móti fólkinu og stendur til að bjóða fólkinu sérstakan pakka til að auðvelda því að koma sér fyrir. Við getum auðvitað ekki bara hirt fólkið frá heimalandi sínu og svo skilið það eftir í borginni. Við ætlum að bjóða þeim flugmiðann hingað og opinn miða til baka. Ef þeim líkar ekki lífið hér þá á fólkið að sjálfsögðu ekki að neyðast til að búa í Malmö. Það fær íbúð í eitt ár og þar verðum við bæði með einstaklingaíbúðir og fjölskylduíbúðir. Við útvegum fólkinu vinnu eða þannig að það geti gengið í skóla.“ Hann segir starfsmenn verkefnisins einnig vera í nánu sambandi við Útlendingastofnun þar sem að sjálfsögðu verði að fara að lögum um innflytjendur í verkefni sem þessu. Fólkinu verði einnig boðið upp á kort á menningarviðburði og í almenningssamgöngur borgarinnar. „Malmö er sjötta besta borg heims þegar kemur að hjólasamgöngum þannig að allir munu einnig fá hjól. Við viljum koma þeim inn í samfélagið í Malmö og skapa þannig aðstæður að það fari strax að gefa til baka. Það mun sem sagt fá vinnu, borga skatt og strax verða góðir og virkir þjóðfélagsþegnar.“Þar sem gamlar hugmyndir mætast skapast nýjarForsvarsmenn verkefnisins segjast trúa því að ef Malmö tekur á móti fólki með ólíkan bakgrunn þá verði samfélagið betra og þar sem gamlar hugmyndir mætast þá skapist nýjar. „Þannig skapast nýtt hugvit í Malmö og það gagnast fyrirtækjum í borginni. Ef fyrirtækjum gengur vel er greiddur meiri skattur og það skilar sér í betri borg.“ Hann segir suma hafa spurt hvers vegna peningarnir sem safnast séu ekki sendir til Sýrlands eða annarra stríðshrjáðra landa. Það sé hins vegar einfaldlega ekki markmið fjármögnunarinnar. „Við trúum því að með því að afmá hugmyndir og fordóma um fólk frá ákveðnum löndum þá erum við komin í nokkuð góðan gír. Við viljum skapa okkar framtíðarborg og gera Malmöbúa stolta af sjálfum sér. Það skiptir ekki máli hvaðan þú kemur – þú ert Malmöbúi,“ segir Finnur að lokum. Tímor-Leste Belís Bútan Grenada Grikkland Kómoreyjar Liechtenstein Maldíveyjar Norðurlönd Salómonseyjar Sankti Kitts og Nevis Saó Tóme og Prinsípe Svíþjóð Tonga Túvalú Vanúatú Mest lesið Segir Bjarna Benediktssyni að stinga tappa upp í „tengdasoninn“ Innlent Verða boðaðir á fund lögreglu Innlent „Ozempic tennur“ meðal aukaverkana þyngdarstjórnunarlyfja Innlent Faðir bræðranna sem létust segir úrræði gegn fíkn rjúkandi rúst Innlent Segir „rasistum“ að leggja íslenska fánanum og fá sér sinn eigin Innlent Ungmenni réðust á varnarlaust fórnarlamb í skógræktinni á Akranesi Innlent Brottvísun Oscars frestað Innlent „Heppnir að enginn hafi dáið“ Innlent Ókunnugur næturgestur á Patreksfirði Innlent Veitingamaður með langan brotaferil hlaut þunga sekt Innlent Fleiri fréttir Engin tímamótaskref tekin á fundi Rússa og Úkraínumanna Nýkjörinn forseti Póllands: Trúrækinn sagnfræðingur og fyrrverandi hnefaleikakappi Sérfræðingar ESB gagnrýna áform þess um að útvatna loftslagsmarkmið Niðurstaðan setji áform ríkisstjórnarinnar í uppnám Skjöl staðfesta að Tice var í haldi Assad-liða Vilja ganga á milli bols og höfuðs á geimrannsóknum í Bandaríkjunum Vill sameina þjóðina um hernaðaruppbyggingu Koma aftur saman eftir sögulegar árásir í Rússlandi Vopnaður heimagerðum eldvörpum Nawrocki sigraði með naumindum Alríkislögreglan rannsakar meinta hryðjuverkaárás Greta Thunberg siglir til Gasa Afskaplega mjótt á munum í kosningunum „Köngulóarvefur“ sem skrifað verður um í sögubókum Sprengjuflugvélar loga víða í Rússlandi Um þrjátíu drepin í árás nærri dreifingarmiðstöð hjálpargagna Hamas svarar vopnahléstillögunni sem Ísraelar hafa samþykkt Zion sakaður um tvær nauðganir, heimilisofbeldi og líflátshótanir Afar mjótt á munum hjá forsetaframbjóðendum í Póllandi Ryður leiðina fyrir Trump til að vísa hálfri milljón úr landi Leita „Skrattans í Ozarkfjöllum“ í hellum og skógum Fleiri ákærur væntanlegar í Liverpool Vísuðu til rannsókna sem voru ekki til í „heimsklassa“ skýrslu Enn hætta á flóðum þar sem heilt þorp hvarf í aurskriðu Sagði Diddy hafa nauðgað sér Russell Brand lýsir yfir sakleysi sínu Vestræn ríki niðurgreiða stríðsrekstur Rússa í Úkraínu Kærir Costner fyrir „ofbeldisfulla óundirbúna“ nauðgunarsenu Hamas hafna líklegast vopnahléstillögu Trump Lífstíðarfangelsi fyrir að selja dóttur sína Sjá meira
„Við viljum að þetta verði í fyrsta sinn sem nokkur borg í heimi geti titlað sig „fullkomlega alþjóðlega“,“ segir Finnur Sverrisson, annar stofnenda verkefnisins Little Big Malmö, en verkefnið miðar að því að fá ríkisborgara frá öllum ríkjum heims til að búa í Malmö. Finnur segist í samtali við Vísi fyrst hafa fengið hugmyndina fyrir fimm árum en að hann hafi unnið markvisst að þessu síðasta árið. „Í Malmö býr fólk frá 169 af 193 aðildarríkjum Sameinuðu þjóðanna. Við viljum því fá fólk frá þeim 24 ríkjum sem upp á vantar.“ Verkefnið er hópfjármögnunarverkefni sem gengur út á að markaðssetja borgina í ríkjunum 24 og svo að aðstoða fólkið að koma sér fyrir í borginni. „Við viljum að þetta verði í fyrsta sinn sem nokkur borg í heimi geti titlað sig „fullkomlega alþjóðlega“ ef svo mætti að orði komast. Svo er þetta einnig í fyrsta sinn sem þróunarverkefni sem þetta er fjármagnað af borgurunum sjálfum. Við viljum breyta ímynd Malmö út á við, að þetta verði „andlit“ borgarinnar,“ segir Finnur.Marcus McKinley, Finnur Sverrisson og Lars Holst Lyberg, forsvarsmenn verkefnisins.Mynd/Little Big MalmöEkki enn ein ímyndarherferðin frá ferðamálaráðiHann segir að hver og einn íbúi Malmöborgar geti keypt hlut í verkefninu. „Það eru þó ekki einungis íbúar borgarinnar sem geta tekið þátt og hafa nú þegar fyrirspurnir og styrkir borist til dæmis frá nágrannaríkjum Svíþjóðar, Bandaríkjunum og Grikklandi. Fólk hefur greinilega mikinn áhuga á að sjá hina fullkomnu alþjóðlegu borg verða að veruleika og þá sérstaklega að tiltölulega lítil borg í suðurhluta Svíþjóðar geti orðið fyrst til að ná þeim áfanga.“ Finnur segir hugmyndina vera að Little Big Malmö verði ekki enn ein ímyndarherferð frá einhverju ferðamálaráði . Þannig sækir verkefnið ekki neina styrki til Malmöborgar eða sænska ríkisins. „Þeim er að sjálfsögðu velkomið að taka þátt en við viljum að hinn almenni Malmöbúi eigi og stjórni verkefninu. Þannig sé þetta „bottom-up-verkefni“.“Malmöfestivalen verði alþjóðlegasta hátíð heimsMalmöfestivalen, árleg hátíð Malmöborgar, lauk um síðustu helgi þar sem verkefnið var kynnt og segir Finnur að vonir standi til að markmiðið náist fyrir hátíðina sem haldin verður að ári. „Við viljum að Malmöfestivalen 2016 verði „alþjóðlegasta hátíð heims“ með ríkisborgurum frá öllum ríkjum heims. Raunsætt mat okkar er þó að við náum takmarkinu fyrir árslok 2016.“ Finnur segir að New York sé sem stendur alþjóðlegasta borg í heimi sé miðað er við 193 aðildarríki Sameinuðu þjóðanna. Þar vanti ríkisborgara frá fjórum ríkjum. Þau ríki sem upp á vanta í Malmö eru Antígva og Barbúda, Andorra, Belís, Bútan, Brúnei, Grenada, Kíribatí, Kómoreyjar, Liechtenstein, Maldíveyjar, Marshall-eyjar, Míkrónesía, Óman, Nárú, Palá, Sankti Kitts og Nevis, Salómonseyjar, Saó Tóme og Prinsípe, Suður-Súdan, Tonga, Túvalú, Vanúatú og Austur-Tímor. Finnur segir að í Malmö búi þó raunverulega fólk af fleiri þjóðernum þar sem lönd á borð við Færeyjar og Grænland séu ekki aðilar að Sameinuðu þjóðunum.Turning Torso í Malmö.Vísir/GettyFá íbúð, vinnu og hjólFinnur segir að peningurinn sem safnast verði notaður til að markaðssetja Malmö í þeim ríkjum sem um ræðir og að bjóða aðfluttum velkomna í Malmö. „Við verðum með sérstakt teymi sem tekur á móti fólkinu og stendur til að bjóða fólkinu sérstakan pakka til að auðvelda því að koma sér fyrir. Við getum auðvitað ekki bara hirt fólkið frá heimalandi sínu og svo skilið það eftir í borginni. Við ætlum að bjóða þeim flugmiðann hingað og opinn miða til baka. Ef þeim líkar ekki lífið hér þá á fólkið að sjálfsögðu ekki að neyðast til að búa í Malmö. Það fær íbúð í eitt ár og þar verðum við bæði með einstaklingaíbúðir og fjölskylduíbúðir. Við útvegum fólkinu vinnu eða þannig að það geti gengið í skóla.“ Hann segir starfsmenn verkefnisins einnig vera í nánu sambandi við Útlendingastofnun þar sem að sjálfsögðu verði að fara að lögum um innflytjendur í verkefni sem þessu. Fólkinu verði einnig boðið upp á kort á menningarviðburði og í almenningssamgöngur borgarinnar. „Malmö er sjötta besta borg heims þegar kemur að hjólasamgöngum þannig að allir munu einnig fá hjól. Við viljum koma þeim inn í samfélagið í Malmö og skapa þannig aðstæður að það fari strax að gefa til baka. Það mun sem sagt fá vinnu, borga skatt og strax verða góðir og virkir þjóðfélagsþegnar.“Þar sem gamlar hugmyndir mætast skapast nýjarForsvarsmenn verkefnisins segjast trúa því að ef Malmö tekur á móti fólki með ólíkan bakgrunn þá verði samfélagið betra og þar sem gamlar hugmyndir mætast þá skapist nýjar. „Þannig skapast nýtt hugvit í Malmö og það gagnast fyrirtækjum í borginni. Ef fyrirtækjum gengur vel er greiddur meiri skattur og það skilar sér í betri borg.“ Hann segir suma hafa spurt hvers vegna peningarnir sem safnast séu ekki sendir til Sýrlands eða annarra stríðshrjáðra landa. Það sé hins vegar einfaldlega ekki markmið fjármögnunarinnar. „Við trúum því að með því að afmá hugmyndir og fordóma um fólk frá ákveðnum löndum þá erum við komin í nokkuð góðan gír. Við viljum skapa okkar framtíðarborg og gera Malmöbúa stolta af sjálfum sér. Það skiptir ekki máli hvaðan þú kemur – þú ert Malmöbúi,“ segir Finnur að lokum.
Tímor-Leste Belís Bútan Grenada Grikkland Kómoreyjar Liechtenstein Maldíveyjar Norðurlönd Salómonseyjar Sankti Kitts og Nevis Saó Tóme og Prinsípe Svíþjóð Tonga Túvalú Vanúatú Mest lesið Segir Bjarna Benediktssyni að stinga tappa upp í „tengdasoninn“ Innlent Verða boðaðir á fund lögreglu Innlent „Ozempic tennur“ meðal aukaverkana þyngdarstjórnunarlyfja Innlent Faðir bræðranna sem létust segir úrræði gegn fíkn rjúkandi rúst Innlent Segir „rasistum“ að leggja íslenska fánanum og fá sér sinn eigin Innlent Ungmenni réðust á varnarlaust fórnarlamb í skógræktinni á Akranesi Innlent Brottvísun Oscars frestað Innlent „Heppnir að enginn hafi dáið“ Innlent Ókunnugur næturgestur á Patreksfirði Innlent Veitingamaður með langan brotaferil hlaut þunga sekt Innlent Fleiri fréttir Engin tímamótaskref tekin á fundi Rússa og Úkraínumanna Nýkjörinn forseti Póllands: Trúrækinn sagnfræðingur og fyrrverandi hnefaleikakappi Sérfræðingar ESB gagnrýna áform þess um að útvatna loftslagsmarkmið Niðurstaðan setji áform ríkisstjórnarinnar í uppnám Skjöl staðfesta að Tice var í haldi Assad-liða Vilja ganga á milli bols og höfuðs á geimrannsóknum í Bandaríkjunum Vill sameina þjóðina um hernaðaruppbyggingu Koma aftur saman eftir sögulegar árásir í Rússlandi Vopnaður heimagerðum eldvörpum Nawrocki sigraði með naumindum Alríkislögreglan rannsakar meinta hryðjuverkaárás Greta Thunberg siglir til Gasa Afskaplega mjótt á munum í kosningunum „Köngulóarvefur“ sem skrifað verður um í sögubókum Sprengjuflugvélar loga víða í Rússlandi Um þrjátíu drepin í árás nærri dreifingarmiðstöð hjálpargagna Hamas svarar vopnahléstillögunni sem Ísraelar hafa samþykkt Zion sakaður um tvær nauðganir, heimilisofbeldi og líflátshótanir Afar mjótt á munum hjá forsetaframbjóðendum í Póllandi Ryður leiðina fyrir Trump til að vísa hálfri milljón úr landi Leita „Skrattans í Ozarkfjöllum“ í hellum og skógum Fleiri ákærur væntanlegar í Liverpool Vísuðu til rannsókna sem voru ekki til í „heimsklassa“ skýrslu Enn hætta á flóðum þar sem heilt þorp hvarf í aurskriðu Sagði Diddy hafa nauðgað sér Russell Brand lýsir yfir sakleysi sínu Vestræn ríki niðurgreiða stríðsrekstur Rússa í Úkraínu Kærir Costner fyrir „ofbeldisfulla óundirbúna“ nauðgunarsenu Hamas hafna líklegast vopnahléstillögu Trump Lífstíðarfangelsi fyrir að selja dóttur sína Sjá meira