Augnablik styrkti stöðu sína á toppi B-riðils 4. deildar í kvöld. Þá vann liðið sætan sigur, 2-4, á Skallagrími í Borgarnesi.
Lið Augnabliks er þjálfað af Hirti Hjartarsyni og í liðinu eru margar gamlar kempur. Nægir þar að nefna menn eins og Hjörvar Hafliðason, Árna Kristin Gunnarsson, Gunnar Örn Jónsson og Sigurð Sæberg Þorsteinsson.
Í félagaskiptaglugganum samdi liðið svo við hinn 43 ára gamla þjálfara Breiðabliks, Arnar Grétarsson.
Arnar var í byrjunarliði Augnabliks í kvöld og gerði sér lítið fyrir og skoraði fjórða mark liðsins.
Augnablik er með 30 stig á toppi riðilsins og búið að tryggja sig áfram í úrslitin.
Arnar Grétarsson skoraði fyrir Augnablik
